Mesrûr Barzanî: Me bi Mîr Selman re danûstandin li ser bihêztirkirina hevahengiyên bazirganî kirin

Serokê Hikûmeta Herêma Kurdistanê Mesrûr Barzanî di çarçoveya serdana xwe ya fermî de li Menameya paytexta Behreynê bi Cihnişîn û Serokwezîrê Behreynê Mîr Selman Bin Hemed Al Xelîfe re civiya.

Serokê Hikûmeta Herêma Kurdistanê di derheqa wê hevdîtinê de li ser hejmara xwe ya tora civakî ya Xê nivîsiye, “Em ji bo bihêztirkirina hevahengiyên me di warên bazirganî, pêşxistin û ewlehiya deverê de bi Serokwezîrê Behreynê re civiyan.”

Mesrûr Barzanî amaje jî da, “Me gelek hevparî hene, wekî pabendbûna bi hemerengkirina aborê me, peydakirina derfetên karî ji bo ciwanên me û berdewamiya weberhênanê di aştî û pêkvejiyanê de.”