Parlamentoya Îraqê yasaya parêzgehbûna Helebceyê pesend kir û ew bajarê Herêma Kurdistanê bû 19emîn parêzgeha Îraqê.
Serok Mesûd Barzanî li ser parêzgehbûna Helebceyê peyamek belav kir.
Serok Mesûd Barzanî di peyama xwe de wiha got:
"Spasî û destxweşiyên xwe pêşkêşî serokatî û hemû endamên Parlamentoya Îraqê û wan komên siyasî dikim ku roleke erênî di pesendkirina projeyasaya parêzgehbûna Helebceyê de lîstin.
Her wiha spasiya fraksiyon û komên Kurdistanî yên Parlamentoya Îraqê dikim ku bi yekdengî û yekrêzî ev destkeft ji bo xelkê Helebceyê û hemû Kurdistanê misoger kirin û hevkarên hev bûn ji bo dengdayîn û pejirandina projeyasaya bûna Helebceya xoşewîst wekî parêzgeh.
Spasî û pêzanîna min ji bo hemû wan kesên hêja heye ku hewl daye ji bo vê yekê.
Her wiha bi germî pîrozbahiyê li xelkê xoşewîst ê Helebceyê û hemû Kurdistaniyên ezîz dikim.
Hêvîdar im ku bûna Helebceyê wek parêzgeh bibe gavek ji bo xizmetkirina zêdetir û bipêşketina vê devera qurbanîdayî ya Kurdistanê û ji bo dermankirina birîn û êşên hevwelatiyên Helebceyê.
Ji ber vê yekê, bi hezaran silav ji bo giyanê pak ê şehîdên Helebceyê û hemû şehîdên Kurdistanê dişînin û hêviya xêr û xweşiyê ji bo xelkê Helebceyê û hemû Kurdistaniyan dixwazin."
Parêzgehbûna Helebceyê:
Parlamentoya Îraqê doh ji bo parêzgehbûna Helebceyê kom bû.
Di rûniştina parlamentoyê de 178 parlamenter amade bûn
Pişt dengdanê, parêzgehbûna Helebceyê hat pesendkirin û Helebce bû 19emîn parêzgeha Helebceyê.
