Serok Barzanî li ser koça dawî ya têkoşer Gulebax peyamek belav kir

Serok Mesûd Barzanî li ser koça dawî ya pêşmergeyê Îlon û Gulanê û hilgirê medalyaya Barzaniyê Nemir, Refîq Arif Emîn ku bi navê Gulebax tê nasîn, peyamek belav kir.

Peyama Serok Barzanî wiha ye:

Bi navê Xwedayê mezin û dilovan

Bi xemgîniyeke mezin, nûçeya koça dawî ya xebatkarê gelê me Kak Refîq Arif Emîn, ku wek Gulebax dihat nasîn, gihîşt me.

Heval Gulebax pêşmergeyê şoreşên Îlon û Gulanê û xwedanê medalyaya Barzaniyê Nemir û wefadarê rêbaza kurdîtî û mirovekî xebatkarê devera Koye û Kurdistanê bû.

Wî jiyana xwe bo azadî û serfiraziya gelê xwe terxan kir û ji destdana wî xisaretek mezin e.

Ez sersaziyê li xwe û malbat û mirov û hevalên Gulebax û hemû pêşmerge û xebatkarên Kurdistanê dikim û xwe şirîkê xema wan dizanim.

Ji Xwedayê mezin daxwaz dikim ruha rehmetiyê Gulebax bi behişta berîn şa bike û sebir û aramiyê bide hemiyan.

Înna Lîllah We Înna Îleyhî Racîûn

Mesûd Barzanî