Rewangeha Sûrî ya Mafên Mirovan belav kir, karwaneke leşkerî ya artêşa Tirkiyê di deriyê sînorî yê El-Raî re derbasî gundewarê bakurê rojhilatê Helebê li nêzîk Minbicê bû.
Karwana leşkerî ji wesayitên giran, wesayitên zirxî û kelûpelên cuda pêk tê û li xalên artêşa Tirkiyê yên li hember Hêzên Sûriyeya Demokratîk û Encûmena Leşkerî ya Minbicê li gundewarê bakurê rojhilatê Helebê bicih bûn.
Ji bilî wê tevgerê jî, Artêşa Tirkiyê derdora gundên Dêr Cemal, Kefr, Til Rifat, Soxanekê, Bênê, Kefer Anton û Maranaz ên di navbera Efrîn, Ezaz û Til Rifetê de bi dehan top û mûşekab topbaran kirin.
Rewangeha Sûrî ya Mafên Mirovan diyar kir, di encama topbarana artêşa Tirkiyê li derdora gundê Ereb Hesen li gundewarê bakurê Minbicê 2 welatî hatin kuştin.
Ev yek hevdem e ligel gihîştina hêzên leşkerî yên rêjîma Sûriyê bo xetên germ ên li aliyê hemberê ku çalakvanan diyar kirin, hêzeke leşkerî ya mezin ya rejîmê gihîştin Minbic û Eyn Îsa li gundewarê rojhilatê Helebê.
Her wiha karwaneke mezin a ku ji dehan wesayîtan pêk dihat, gihişte mihwerê gundê El-Erîma ya gundewarê Minbicê û li nêzî xalên pêwendiya bi grûpên çekdar ên ser bi Tirkiyê ve bi cih bûn.
Ev yek piştî wê tê, Tirkiye gefa destpêkirina operasyoneke leşkerî li Til Rifet û Minbic dixwe û pêr 2ê Tîrmehê hêzên grûpên çekdar ên girêdayî Tirkiyê ji Efrîn û Ezazê bi ber mihwerên li hember Til Rifetê ketibûn tevgerê.
