Efrînê teqîn: 6 kes û 2 leşker jiyana xwe ji dest da

Li gor çavkaniyên herêmî, li taxa Eşrefiye ya Efrînê li mala Ehmed Xelîl Hesen bombeya vedayî teqiya, di encama teqînê de malbata ku ji 6 kesan pêk dihat hemûyan jiyana xwe ji dest da.

Di encama teqînê de xaniyê malê bi ser wê malbatê de hilweşiyaye û Ehmed Xelîl Hesen, hevsera wî Sultan, 4 zarokên wî Tolîn, Rojîn, Diljîn, Zehîde û Mihemed jiyana xwe ji dest dane.

Wek tê zanîn artêşa Tirkiyeyê û milîsên Artêşa Sûriyeya Azad (ASA) piştî şerê 2 mehan di roja 18ê Adarê derbasî Efrînê bûn. Herwiha li gor çavkaniyên gelek mayîn û bombe li mal û avahiyên bajêr hatin çandin, lê ti aliyek jî li çandina wan mikur nayê.

Hêza Çekdar a Tirkiyeyê (TSK) di daxuyaniya xwe de ragihand ku 2 leşker ji ber teqemeniya destçêkirî jiyana xwe ji dest dan.