Trent Franks da xuyakirin ku hewlên dijayetîkirina Kurdistana azad û serbixwe hene û her yek ji Tirkiyê, Îran, Iraq û Sûriyê weke çete wesif kir û got, ew welat gef in ji bo ser Kurdistaneke azad û serbixwe.
Endamê Kongreya Amerîkayê Trent Franks di daxuyaniyekê de derbarê gefên ji ber giştpirsiyê li Herêma Kurdistanê dibe de got: “Li hemberî Kurdistaneke azad û serbixwe gef û hewldanên dixwazin hêviyan tine bikin hene.”
Berdevamiya axaftina xwe de Franks wiha dibêje: “Ev 4 dewletên herêmî, gef in li ser Kurdistaneke azad û serbixwe. Gelo dê cîhan çavê li ser gefên dorpêçkirin û midexaleyên serbazî bigre? Pêwîst e ku Amerîka serkêşiya cîhanê bike ji bo berevanîkirina wan welatên ji ber diyarkirina çarenivîsa xwe gefan li wan têne kirin.”
Endamê Kongreya Amerîkayê herwiha anî ziman ew helwesta Îran, Iraq û Tirkiyê û Sûriyê li beramberî kurdan ku hevpeymanê Amerîka ne, şermezar dike û da ku ew yek bê bersiv namîne dê çi ji desta bê bike.
Kongirêsmanê Amerîkî, Trent Franks beriya niha projeyasayek derbarê Kurdistanê de pêşkêşî kongirêsa welatê xwe kir, ku têde daxwazê dike, Amerîka piştevaniya referandum û serxwebûna Herêma Kurdistanê bike.
Franks pêşbînî dike, ku di rojên pêş de piştgiriya ji bo kurdan li Kongresa Amerîkayê zêdetir bibe.
Hêjayê gotînê ye duh roja çarûema 11ê îlonê 2017an Encumena Asayişa Herêma Kurdistanê ragihandibû, peyamên tund û metirsîdar ji hêzên iraqî gihîştine wan ku dixwazin êrişeke mezin bikin ser başûr û rojavayê Kerkûk û bakurê Mûsilê.
