The Times: Dibe ku li Îngiltereyê, bi milyonan mal bê elektrîk bimînin

Li ser raporteke ku li ser enerjiyê hatiye amadekirin, rojnameya The Timesê, nûçeyeke spartiyê vê raportê belav kir. Di nûçeyê de hat ragihandin ku di hegera Rûsya gaza Ewropayê rawestîne de dibe ku bi milyonan mal bê elektrîk bimînin.

Li gorî nûçeya hatiye belavkirin, dibe ku li Ewropayê qeyraneke enerjiyê peyda bibe. Hat ragihandin ku di hegera rawestandina gaza Rûsyayê ya ji bo Ewropayê de dibe ku vê zivistana pêşiya me, li Îngiltereyê 6 milyon mal, bê elektrîk bimînin. Li gorî nûçeya hat belavkirin, ji ber ku daxwaza Yekîtiya Ewropayê zêde bûye, dibe ku vê zivistanê hawirdeya gaza xwezayî ya ji Norwecê, dakeve nîvî. Hat zanîn ku Îngiltere, bi qasî nîvê amadehiya xwe ji welatê Îslandînavê dikire.

Di raporta hatiye belavkirin de hat eşkerekirin ku ger Rûsya gaza xwezayî ya ku diçe Yekîtiya Ewropayê bi temamî qut bike, dibe ku qutbûna elektrîkê di meha Berfanbarê de dest pê bike û heta 3 mehan bê navber bidome