Li Antalyayê êrîşî otobusa Êlihê kirin

Li navçeya Alanya ya ser bi parêzgeha Antalya ya Tirkiyê ve doh şev otobûseke veguhestina rêwiyan a Kompanya “Ozlem Batman” ket ber êrîşekê û di encam de şofêr, alîkarê wî û rêwiyek bi giştî 3 kes birîndar bûn.

23.04.2023, Paz - 09:11

Li gor dîmenên li ser medya civakî hatine belavkirin şeva borî 22ê Nîsana 2023an li navçeya Alanya ser bi parêzgeha Antalyayê ve otobûseke rêwiyan ji aliyê grupekê ve hatiye rawestandin û şofêr îdîa dike ku êrîşeke organîzekirî bûye.

Li gor îdîayên şofêrê otobûsê li rawestegehekê nîqaşek derketiye û piştî wê dema di rê de bûne ji aliyê 2 otomobîl û 4 motosîkletan ve hatine rawestandin û wê grupê êrîşî wan kiriye û êrîş êrîşeke nîjadperestî bûye. Herwiha di êrîşî de 3 kes birîndar bûne û bo nexweşxaneyê hatine veguhestin.

Li gor gotinên şofêrê otobûsê polîs hatine cihê bûyerê lê ti midexaleyek nehatiye kirin û derbarê wan kesan de ti karekî yasayî nehatiye kirin.

Nerina Azad

Vî nûçeyê tevayî: 385 kes dît.
Rojanekirina Dawî:09:57:07

Êlih

Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?