Nêçîrvan Barzanî bi Recep Tayyip Erdogan re civiya

Serokê Herêma Kurdistanê Nêçîrvan Barzanî îro li Koçka Komarî ya Enqereyê bi Serokkomarê Tirkiyeyê Recep Tayyip Erdogan re civiya.

Berdevkê Serokatiya Herêma Kurdistanê Dilşad Şehab pêştir di daxuyaniyeke taybet de ji malpera Serokatiya Herêma Kurdistanê re ragehand, “Serokê Herêma Kurdistanê Nêçîrvan Barzanî îro bi serdaneke fermî digehe Enqereyê û bi Serokkomarê Tirkiyeyê Recep Tayyip Erdogan re dicive.”

Berdevkê Serokatiya Herêma Kurdistanê herwesa got, “Her du aliyan danûstandin li ser berdewamkirina peywendiyên Tirkiyeyê bi Îraq û Herêma Kurdistanê re û dawî pêşhatên rewşa deverê dikin û dîtin û nerînên xwe li ser çend pirsên din ên cihê giringiya her du aliyan li hev diguherin.”