Otobûsa ji Wanê diçû Samsunê wergeriya: 1 mirî û 15 birîndar

Bûyer, îro Çarşemê 1ê Sibata 2023ê derdora demjimêr 05.30 deqe li ser rêya Tokat-Sêwazê navçeya Kiziliniş çêbû. Otobûsa bi şofêrtiya Cemalettin Ruhhan ku ji Wanê diçû Samsûnê ji ber berfê ji rê derket û wergheriya.

Di bûyerê de alîkarê şofêr Mert Balci li cihê bûyerê canê xwe ji dest da û 15 kesên din jî birîndar bûn. Li gor agahiyên hatine belavkirin rewşa tendirûstî ya çar kesan giran e.

Li ser agahdarkirinê tîmên tendirûstî, berevaniya şaristanî û AFADê bo cihê bûyerê hatin şandin û birîndar bi ambûlansan bo nexweşxaneyên bajêr hatin veguhestin. Hatiye ragihandin ku derbarê bûyerê de lêpirsîn hatiye destpêkirin.