Îsraîlê bi mûşekan êrîşî derdora Şamê kir
Artêşa Sûriyê radigihîne, di encama êrişeke mûşekî ya Îsraîlê li ser Şama paytext de, leşker birîndar bû.
Jêderekî leşkerî ji ajansa “SANA” re ragihand: “Îro demjimêr 01:55, Îsraîlê ji aliyê Golanê ve êrîşeke asmanî pêk anî û hin xalên başûrê rojavayê Şamê kirin armanc.”
Da zanîn jî, sîstemên berevaniyê yên Sûriyê rûbirûyî êrîşê bû û hejmarek mûşek xistin xwarê.
Amaje bi wê yekê jî kir jî, di encama êrişê de leşkerek bi giranî birîndar bûye û ziyanên madî çêbûne.
Ji aliyê xwe ve, Rewangeha Sûrî ya Mafên Mirovan belav kir, êrîşên Îsraîlî derdora Firokexaneya Navdewletî ya Şamê û devera El-Kiswê ya li başûrê Şamê kirin armanc, ku embar û komgehên mîlîşyayên ser bi Îranê ve lê hene.
Li gorî zanyariyên Rewangehê, di encama êrîşan de leşkerî Sûrî birîndar ketin û hejmarek çekdarên mîlîşyayan hatin kuştin û birîndarkirin. Her wiha hin embar û komgeh hatin jinavbirin.
Nûvekirina herî dawî: 18:20:29
