Barzanî û Helwestên wan

Barzaniyan ji sala 1900 û virde her karê wan ew bûye ku wê xeyala kurdan ya dîtina kurdistaneke azad û serbixwe bibînin, bîne cih e. Di vê rêyê de bi hezeran şehîd dane û hê jî didin.

Bi awayekî tevayî Barzanîyan û bi teybetî serokê Kurdistanê brêz Mesud Barzanî temama jiyana xwe ji bona Kurd di kurdistaneke azad bijîn, kar û xizmet kirine û dikin. Brêz serokê Kurdistanê bi temenê xwe ê bi çûk dinava şoreşê de bûye û heta niha ew karê wî berdewame. Di vê rê de û bi vê armancê hema hema temenê xwe temam dike. Her xwe weke pêşmêrgeyekî dibîne, Loma jî tim ew kincên pîroz ê pêşmergeyan li wî ye.

Bi wî temenê xwe yê mezin îro jî weke pêşmêrgeyekî û bê rawestan kar dike. Him di nava gelê xwe de him jî di qada navneteweyî de bûye sembolek, bûye rêberekî kurdan. Loma jî ez pêwîst nabînim zêde li ser wî binivîsînim. Dîroka wî ya Barzaniyan bi zelalî tê dîtin û zanîn.

Roja ku Barzaniyan dest bi tekoşîna azadiya welatê xwe ango Kurdistana ji hevdu hatibû perçekirin kirine û heta niha, kar û xebatên wan tenê bûye naskirina erda kurdistanê, parastina kurdan û xwedî li Kurdistana xwe derketandinê.

Bîr û baweriya neteweyî daye gelê xwe û ji bona gel bi vê baweriyê xwedî li xwe û miletê xwe derkeve. Her weha jî bûye. Ji ber ku bîr û baweriya Barzaniyan tim jî neteweyî bû ye. Weha fikirîne û ev fikir û raman dayê heval û dostên xwe. Daye endamên partiya xwe. Û ev bûye weke rêbazeke Barzaniyan.

Çi demê û li ku derê kurdan êş û eziyet dîtibin,malwêranî û talanî hatibe serê wan, heta ji Barzaniyan hatine xwestine bi alîkariya brayê xwe ve rabin. Li kîjan deveran kurdayetî xurt bû ye tu dibîne ku ji wir bêhn û navê Barzaniyan tê.

Li kîjan perçên Kurdistanê firsetek ji bona kurdan bi dest ketibe em dibînin Barzaniyan ji bona wê firsetê bi karbînin ango ji dest nere çi ji wan hatiye kirine û dikin.

Ji ber ku dagirkerên me baş dizanin ku yên wê kurdistanê azad û serbixwe bikin tenê Barzanî ne. Dijmin baş dizanin, çi dema Barzanî ji holê rabe wê doza kurd û kurdistanê jî nemîne.

Heger em dîroka Barzaniyan bixwînin em ê bi rehetî bibînin ku bê çima tim dagirkeran bi hevre xwestine Barzaniyan ji holê rake.

Piştî têkçûna komara kurdistanê a mahabadê, bêdengiyek û tirsekê girtibû ser hemû kurdan û perçan. Ma ne şoreşa îlonê bû ku kurd ji nûde ji bêdengî xilas kir, ji xewa mirinê şiyar kir. Bi saya wê guleya ewil ya şoreşa îlonê bû ku êdî tevgera kurdan li her çar perçan de serî hilda.

Ji ber vê ye divê Kurd Halebçe, Enfal bi giştî û Enfala Barzaniyan bi taybetî fêr bibin. Fêr bibin û sedema vê bibînin bê çima her çar dagirkeran bi hevre li ser Barzaniya dijidandin da ku wan ji holê rakin.

Dagirkeran nikarîbûn zora Barzaniyan bibin û wan ango Barzaniyan piştî 1992an parçeyek ji kurdistanê azad kirin û diyarî gelê xwe kirin. Niha jî ew perçê azadkirî ango Başûrê kurdistanê berbi serbixwebûne ve dihare.

Dijminan dîtin ku weha nabe û nikarin Barzaniyan ji holê rakin loma xwestin ji kurdan hin hevalbendên xwe çê bikin û bi saya wan Barzaniyan têk bibin û kurd jî nebin xwediyê welatê xwe. Loma jî çi dema ji dijminan re lazim bûye ew kesên hevalbendên xwe derxistinin û ew bi kar anîn û tînin. Lê heta niha di vê rêya de bi ser neketine û wê nekevin jî.

Ji ber vê hindê ye ku dibêjim; heta kurd vê baş fêm nekin, vê baş şirove nekin, vê baş nebînin wê tim şer û pevçûn jî di nava kurdan de peyde bibe. Ji ber ku darikê fesadiyê wê tim di destê nokerên dijminên me de de.

Gelek caran bi destê dijminê me yên har û xwînxar, kurdan hevdu kuştina û di nava wan de şer peyde bûye û vê tenê zerar daye partî, rêxistin û doza gel.

Armanc di virde kurd êdî weke kurd nemînin û nebin xwediyê welatê xwe û kurdstaneke azad û serbixwe. Ji ber vê ye ku tim dijmin bi destên hin kurdan darikê fesadiyê di nava kurdan de bi kar anîne û tînin da ku kurd ne li hev bin.

Lê dema em dîrokê dixwînin, dibînin ku armanca Barzaniyan û bi teybetî ya serokê Kurdistanê brêz Mesud Barzanî jî tim eksî vê ye. Ji bona parastina kurdan çi lazim bûye wê dike. Ji bona kurd bibin xwediyê kurdistana xwe ya azad û serbixwe kar dike. Temenekî dirêj weke pêşmêrgeyekî daye vê rêyî û hêjî weke xortekî, weke pêşmêrgeyekî çalak kar dike û wê bike heta Kurdistana serbixwe diyarî me kurdan bike.

Ev helwesta serok Barzanî helwesteke neteweyî ye. Loma jî tim xwe weke pêşmêrgeyekî dîtîye û dibîne.

Ji ber vê hindê ye ku helwesta wî, karê wî, cahda wî ew ku rojekê berî rojekê mizginiya Kurdistana azad û serbi xwe bide gelê xwe. Ev mizginî wê plana dagirkeran ya bi destê hin kurdan li gor gotinên wan î xerab tê meşandin jî wê têk here..Divê kurd vê yekê baş bizanibin. Heta kurdên nokerên dagirkeran hebe wê rehetî ji kurdan re tune be. Ji ber ku ew darikê fesadiya nava herçar perçên kurdistanê ne.

Lewra rakirin an tunekirina fesadan zehmet e. Dermanê wê tenê di kurdistaneke serbixwe de ye. Piştî ragihadina wê êdî dê fesad nemînin an jî wê nikaribe weke niha tevbigerin. Ji ber ku hemû plan û projeyên wan yên qirêj dê eşkere bibe. Aha tirsa dijmin û fesadên wan ya niha ji ber vê ye…

Êdî kî/ê çawa vê fêm dikim û ew bi kêfa xwe ne. Lê divê kurd ji bîr nekin serxwebûna kurdistanê di rêde ye. Û wê serokê Kurdistan brêz Mesud Barzanî vê mizginiyê bide gelê xwe. Ji bona ev mizgînê dawî li rêya xwe bîne, gav bi gav dilezîne. Dawiya lezê kêf û şahî ye