Bê dewletî û berjewendî…

Hinê bibin aqilmendên xelkê lê ne ji xwe re, hinên bibin dizê malê, ji bona xerabkirin û talanê.. Hinê bibin nokerê dijminê xwe ji bona pişta birayê xwe li erdê bixe.

Dema tifaqa malê tune be, tevgera malê jî nabe û nameşe û tim agir jî li ser serê wan e. Loma yeka wan nabe dudo. Lê malin bi tifaq tim xwe û malbata xwe diparêzin.

Bê dewletê jî weha ye. Ji ber ku dewlet bav e. Dema dewleta me re tune be. Wê xelkê bê dewlet hin ji wan bibin olperest, hinê dibin sosyalîst, hinê dibin demokrat, hin dibin lîberal ûhwd.

Êdî wê dem bê ku ji dêlva problemên gelê xwe qise û munaqeşe bikin. Tevgerên bi wan îdeolojiyana hatine damezrandin, dikevin qiraka hev ku ji bona fikra xwe dikare birayê xwe jî bikuje û dike. Weke demên ji salên 1970 heta 1980 li bakurê Kurdistanê.

Bê dewletî jî, te ji hev perçe dike. Nahêle bira li gel bra bi yek be. Ji bona tim nakokî, fesadî û şelaftî di nava wî xelkê bê dewlet de zêde be da ku nikaribin dewleta xwe ava bikin,

Em kurd jî niha vê rewşê dijîn,

Bi perçebûna welatê me, em jî hatine perçekirin. Weha perçe kiriine ku gelek ji wan perçena, êdî welatê xwe û xwe nas nake ku ew kurd e û welatê wî/ê Kurdistan e.

Bi vê perçebûnê, mêrxwasên kurd yên bûne older, Sosyalîst ango dibin îdelolojîk, di ber êdeolojiyan de her tiştî, kar û xebat kirine û dikin, lê mixabin welatê xwe ji bîr dikin. Çi qezencê bi dest xistibin an dixin, ne ji bona gelê xwe, di ber îdeolojiyan de heba dikin û kirine.

Dema em li miletê bûne dewlet dinêrin, dibînin ku hemiyan kar û xebat kirine da ku berê bibin dewlet dûre jî xelkê wan her yek fikra xwe an îdeolojiya xwe diparêzin.

Her weha oldarên Kurdan ji bona ummetê, Sosyalîst û kominîstên Kurdan jî kar dikin da ku vê îdeolojiyê li cihanê bidin qebûlkirinê. Hemî kar û xebatên wan ê berê û hinên niha tenê ji bona fikra sosyalîzmê ye. Lê hê jî fêm nekirine ku sosyalîzmê jî digot û dibêje; ”Bila perçe bi qurbana tevahî be”.

Yanî dinya ango fikra sosyalîzmê tevahî ye û ew jî dibêje; ”Bila berê sosyalîzm bê, dûre em problema kêmneteweyan di nava sosyalîzmê de hal bikin”. Yanî dibêje ku heta kurdên sosyalîst hebin ew ên girêdayî sosyalîstên dagirkerên xwe bin.

Her çiqasî niha piraniya partiyên kurdên sosyalîst êdî vê qebûl nakin jî lê sosyalîzm ev e û vê dixwazî.

Li bakurê Kurdistanê piştî salên 1960 heta 1980 demokratan, karên baş kirin û dane xuyakirinê ku bi vê rêyê kurd dikarin xwe azad bikin, welatê xwe ji bin nîrê dagirkeran derxin û bi azadî li ser erda xwe ya pîroz bijîn.

Lê çi mixabin piştî 2000 ev nav jî xerab kirin, weha kirin ku êdî li bakurê Kurdistanê xelk ji vî navî tirsiyanin ya jî tirsandinin.

Divê çi bê kirinê?

Li gor min, niha di destê me kurdên bakurê Kurdistanê de du tişt maye. Yek divê em êdî weke fikir, fikra Sosyaldemokratan biparêzin û li gor vê xwe bi tevger an rêxistinî bikin. Ez dibêjim; ev ê li bejn û bala kurdên me bê.

Ji ber ku gelek dewletên vê cîhanê bi vê fikrê hîmên daweletbûna xwe avêtine, li gor wê kar û xebatên xwe kirine, bi ser jî ketine. Welatê xwe kirine bihuşta vê dinyê. Weke welatê Swêd…

Li gor baweriya min divê kurdên me yên bakurê Kurdistanê partiyekê bi navê Partiya Sosyal Demokrat a Kurdan (PSDK) jî vekin. Dîsa li gor min di partiyeke weha de bi rehetî Demokrat û Sosyaldemokrat dikarin bi hevre kar bikin.Ya jî kes, partî û rêxistinên vê diparêzin di kongreyekê de di bin vî navî de dikirin yekîtiya xwe ava bikin û li gor destûr û bernameya Sosyaldemokratan karên xwe ê siyasî ji bona welatê xwe bikin.

Bi vekirina partiyieke weha em weke kurdên bakurê Kurdistanê dikarin hinekî ronahiyê bibînin. Heger ew partî an tevger bi rastî jî li gor destûr û bernameya Sosyaldeomokratan tevbigerin. Dikarin alîkarî û piştgiriyê ji partiyên bi navê Sosyaldemokrat in bigire…

Ez bi xwe li gel vê fikrê me û li gor baweriya min divê partiyeke weha ku bi karê demokratîk ve rabe û li bakurê Kurdistanê bi eşkereyî karê xwe bike, vebe an bê damezrandinê.

Her çiqasî ez niha ne li gel jî bin, divê partiyek bi navê Partiya Lîberal ya kurdan jî hebe (PLK). Ew jî dikare karê baş bike û ji partiyên lîberal yên li cîhanê hene, alîkariyê û piştgiriiyê bigirin.Divê em kurd vê bizanibin,îro hemî hêz û qawet ya ji derve ye…

Divê em ji bîr nekin ku niha li vê cihanê hemî tişt, kar û xebat, têkilî û tevger bûne berjewendî. Divê em jî li gor berjewendiya gelê xwe tevbigerin.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.