Kurd û Îsraîl

Dewr û deman, ev bêje him kêfa min jê re te him jî dema ez li gund bûm, min ev gotin her ji dayika xwe, ji bavê xwe û ji sal mezinên gundê xwe dibihîst. Mirovên berê her gotineke wan, her bêjeyeke wan û her serpêhatiyên wan ji tecrûbeyên wan pêk tê. Çi didîtin, çi bi serê wan dihat, miheqeq li gor wê tiştek ango bêjeyek bi kar dianîn. Niha baş tê digihêjim ku çima wan her dem digotin: "Dem û Dewran"Li gor vê bêjeye min xwest nivîsekê amade bikim û bi we hêjayan re parve bikin.

Dem û Dewran!!!

Em kurdên bakurê Kurdistanê dem û dewrakê bi saya serê sosyalîzma çewt ku çepên tirkan em şaş fêrî wê kiribûn. Wan ew bi zanetî ev kiribûn da ku berjendiya gelê xwe ê serdest biparêzin. Ew li gor berjewendiya dewlete xwe bi kar dianîn da ku kurd bibin dijminê Îsraîla ku qet zerarê wê negihiştibû kurdan.

Dewr û demanek derbas bû. Rol û erkên sosyalîstan(!) kêm bû. Piştî wan vê carê oldar ketin dewrê da ku Kurd berdewamiya dijminatiya Îsraîlê bidomînin. Ew ji bona dewleta dagirker e. Yên vê dikin jî ew bi xwe di xezmeta dagirkeran de ne.

Kurdan ji ber nezaniya xwe dewr û demakê ew kirin ango hin kurdan dijminatiya Îsaîlê dikirin. Di gelek waran de bûne dijminê Îsraîla ku dixwaze kurdistan azad çê bibe. Di wê dem û dewrê de hin kurdên sosyalîstên xwe nezan, li gel Filîstiniyên dijminê gelê me şerê Îsraîlê dikirin.

Ez baş dizanim di wan dem û dewran de, Îsraîliyan hin ji wan sosyalîstên kurd ku şerê wan dikirin, girtin lê ne li wan da, ne jî bi wan êşkence kirin, ne jî xistin zîndanên xwe. Tenê gotin; "Ji ber ku hûn kurd in em ê we azad berdin. Lê vê jî ji bîr nekin ku we kurdan hê doza xwe baş fêm nekirine. Ma çi zerar me gihiştiye kurdan ku hûn li gel erebên dijminê xwe şerê me weke dostekî we ye, dikin?"

Erê bi rastî jî gelo Îsraîlê tu zerarekê day kurdan? NA. Erdê kurdan dagir kirine? NA. Zimanê kurdan qedexe kirine? NA. Kurd koçber û wêran kirine? NA. Komkujî û qirkirina kurdan kirine? NA. Kurd Enfal kirine? NA. Ê baş e hin kurd ji Îsraîliyan çi dixwazin?

Tê dîtin û zanîn ku Îsraîliyan, ji bona kurdên nava xwe û ji bona pêşveçûna wan jî çi lazim be ew kirine û wê dikin. Foklor û muzîka wan bi pêşve dixin, kovar û ronameyan ji bona wan bi zimanê wan derdixin, di şev û şahiyên wan de di qada rêvebiriya dewletê de, beşdarî dikin. Dixwazin kurd jî li ser erda xwe azad bijîn. Ê baş e ma çima kurd divê li dij vê bin?? Sosyalîst neman ango îflas kirin, vê carê jî...

Belê vê carê jî hin oldarên kurd destpêkirine û dijminayetiya Îsraîla ku dixwaze kurdistan azad bibe, dikin. Helbet ew ne bi serê xwe vê dikin. Dewleta dagirker her carekê bi awayekî cûda dixwazin, Îsraîlê û kurdan bikin dijminên hev.

Niha weke kurdekî ez bi xwe gelekî kêfxweşim ku êdî roj bi roj parastina gelê Îsraîl, nerînên wan î delal di nava kurdan de belav dibe. Aha dema kurd vê fêr bibin, hûn bawer bin wê dostan jî qezenc bikin. Bi têgihiştina vê, kurdê xwe fêrî parastina axa xwe bike û xwedî li dewleteke kurd ku wê bê ragihandinê derkev e.

Îro tenê dostekî kurdan di rojhilata navîn de heye ew jî Îsraîl e. Ew Îsraîla ku tim daxwaza wê kurdistaneke azad û serbixwe ye. Ew Îsraîla ku dijminê dijminê min e. Ma ne tê gotin; "Dijminê dijminê min dostê min e". Lê çima hin kurd tênagihêjin û ji bona xatirê dagirkeran xwe û dixwazin gelê xwe bikin dijminê, dostê xwe.

Tişta herî girîng ew e ku bi derengî jî be kurd êdî rastiyê dibînin. Dibînin ku bê dost û dijminê wan kî ne. Dagirkerên me û hin sosyalîst û hin jî oldarên me bi hevre çi dibêjin; Dibêjin, "Em Îsraîla dudan naxwazin". Çima naxwazin? Ji ber ne di berjewendiya dagirkeran de ye. Lê xwezî û hezar xwezî kurdan jî bikarîbana bibana Îsraîla dudan.

Ji ber ku êdî kurd bi rastiyê dihesin, êdî kurdan bi kêmanî jî be dost û dijminên xwe dinasin. Ev jî bi saya ku kurd gav bi gav berbi dewletbûnê de dihare, ye. Nemat û hêjayiyên dewletbûnê ew e ku te bi mejûyê te dide jiyandan.

Pir normal e dema welatê tê digirkirin, mejî û baweriya te jî her tê dagirkirin ku tu weke xwe nefikire, tu weke xwe neke, tu xwe nasneke. Ji bona tu tim kolê wan be. Li hember vê divê karê te çi be? parastina gelê xwe û qezenckirina dostan e.

LÊ hin kurdên sosyalîst û çep çi dikin? Bi zanetî an bi nezanî weke dagirkerên xwe dikin. Vê jî ji çep û oldarê dewletên dagirker li gor îdelojiya Sosyalîst û Olî fêr dibin. Çima sosyalîst û oldarê te vê dikin? Ji ber hê bi mejiyê xwe û bi baweriya xwe nebûne neteweyî.

Armanca dagirkerên me çi ye? Her ew dixwazin dijminê gelê me zêde bibe da ku tu alîkariyê ji dewletên din negire.Ji bona vê jî çi ji dagirkerên me tê dikin. Bi rêya sosyalîstin xwe bi rêya oldarên xwe dixwazin dijminê gelê me zêde bikin.

Niha bala xwe bidinê û bibînin bê çima hin kurd kirin dijminê Îsraîlê? Ji ber ku di rojhilata navînde du (2) dewletên ku bikaribin bibin dostên hev Kurd û Îsraîl e. Çi dema dostaniya wan xurt, hevkariya wan zêde bibe wê roj bi roj dijminên me jî kêm bibin.

Li gor min divê kurd bi her awayî di her cih û warî de dostaniya xwe bi Îraîlê re xurt bike. Ji ber ku Îsraîl xwediyê soza xwe ye. Ji ber ku Îsraîl dostên xwe naxapîne, ji ber ku Îraîlê jî weke kurdan gelek derd û êş ji destê ereban dîtine.

Di gelek waran de gelek tiştên kurd û Îraîlê weke hev in. Ereb, Tirk û Faris dijiminê Kurd û Îsraîliyan e. Madem weha ye divê kurd û îsraîl jî li hemberê dijminên hov, xwînxwar bibin dost, bibin hevkarên hev.

Ew kurdên ku dijminayeta Îsraîlê bikin ew ne xêrxwazê gelê xwe ne. Ew Kurdên di derheqê Îsraîlê de weke dagirkerên xwe bifikirin, ew bi mejiyê xwe, dibe weke dagirkeran. Divê kurd her bêjin; Bijî bratî, dostanî û hevkariya Kurd û Îsraîlê...

Dem û dewran guherî, divê êdî kurd jî fêrî vê yekbê bibin, li gor berjewendiya gelê xwe, li gor parastina erda xwe û li gor neteweya xwe tevbigerin. Ji ber ku dem û dewran ne ya berê ye. Kurdistaneke azad û serbixwe di rê de ye...