Di hevdîtinê de ku Balyozê Brîtanya li Iraqê Mark Bryson Richardson amade bû, Lord Ehmed diyar kir ku piştî yekem serdana wî ya li Herêma Kurdistanê, guhertinên girîng, pêşketin û avakirinên berçav li Herêma Kurdistanê çêbûne.
Herwaha got, pêgeheke giring û taybet a Herêma Kurdistanê heye û daxwaza welatê xwe bo zêdetir pêşxistina pêwendiyên li gel Herêmê dûpat kir.
Serokwezîr Mesrûr Barzanî spasiya berdewamiya piştevaniya Brîtanya ji bo Herêma Kurdistanê kir û kurteyek derbarê çaksaziyên Kabîneya Nehem di warên pirrengkirina aborî, giringîdana bi sektora çandiniyê, hinardekirina berhemên navxweyî bo bazarên derve û dîjîtalkirina xizmetgûzariyên giştî û karûbarên hikûmetê de pêşkêş kir.
Mijareke din a hevdîtinê jî, taybet bû bi girîngiya çareserkirina pirsgirêkên di navbera Herêma Kurdistanê û Hikûmeta Federal de bû, her du jî alî hevnêrîn bûn ku çareserkirina pirsgirêkan li ser binemaya destûrê, di berjewendiya hemû welatî û pêkhateyên cuda yên Iraqê de ye.
Serokwezîr Mesrûr Barzanî amaje bi wê kir ku hinek pêşketin û têgihiştineke baş li ser projeyasaya bûdceya federalî heye, bi taybetî ku ev cara yekem e Herêma Kurdistanê beşdariyê di amadekirina projeyasaya bûdceyê de dike. Em hêvîdar in di zûtirîn dem de Encûmena Nûneran a Iraqê wê projeyasayê pesend bike û mafên darayî yên Herêma Kurdistanê li gor destûrê bê dabînkirin. Her wiha tekezî li ser serweriya yasayê, parastina aramiyê û berevanîkirin li berdewamiya hikûmetek xizmetgûzar hate kirin.
Her wiha cîbicîkirina rêkeftina Şingalê, derketina milîs û hêzên çekdar ên neyasayî, asayîkirina rewşa navçeyê û vegera koçberan bo cihên xwe, mijareke din a hevdîtinê bû.
