Serokwezîr Mesrûr Barzanî pêşwazî li Konsulê Giştî yê nû yê Amerîkayê kir

Serokwezîr Mesrûr Barzanî pîrozbahiya destbikarkirinê lê kir û hêviya serkeftina di erkê xwe de jê re xwest. Herwiha spasiya piştgirî û piştevaniya berdewam a Amerîkayê kir û daxwaza Herêma Kurdistanê ji bo pêşvebirina zêdetir a pêwendiyên dualî dûpat kir.

Konsulê Giştî yê nû yê Amerîkayê tevî nîşandana xweşhaliya xwe ji bo destbikarkirina li Herêma Kurdistanê, amadebûna welatê xwe jî ji bo pêşvebirin û bihêzkirina pêwendiyan li Herêmê di hemû waran de nîşan da.

Çaksaziyên Kabîneya Nehem a Hikûmeta Herêma Kurdistanê û hemecûrkirina aboriyê û girîngîdana veberhênan û piştgiriya sektora taybet, beşeke din a gotûbêjên civînê bû.