Di hevdîtnekê de nûnerê Encûmena Niştimanî ya Kurdî li Sûriyeyê Cedan Elî ji Sputnik Kurdistanê re behsa helwesta ENKSê li hember operasyona Tirkiyeyê li dijî Efrînê kir û li ser pirsyara bê gelo helwesta ENKSê li hemberî operasyona Tirkiyeyê got," carê ji destpêkê em êrîşa tirkan li ser Efrînê bi hemû gotinên zivir û hişk protsto û şermezar dikin. Em bang ji miletê Kurdistanê dikin ku li hemberî êrîşên Erdogan û hevkarên wî hevgirtî bin û di hemû astan de li ser yek helwestê bin. Herwiha em ji welatên zilhêz û mezin û ji tevahiya cîhanê dixwazin ku zû vê êrîşa li ser xaka Efrînê rawestînin ji ber ku tenê xelkê sivîl û medenî tên kuştin û xelkê aware yê Sûriyeyê jî ku ji ber stema rejîma Esadî reviyane û aware bûne bo Efrînê niha ew jî ketîne ber wan êrîşan. Em ji civaka nêvdewletî daxwazkar in ku bi erka xwe rabe û vê êrîşa dagirker li ser Efrînê rawestîne".
Li ser rexneyên ku ji aliyê medya û li ser asta gel jî ENKSê li tên girtin ku wek pêwîst helwest nîne û hinek jî dibêjn ENKS piştevanya Tirkiyeyê dike, Cedan Elî wiha got:
"Van gotinan hîç rastiyek nîne û tev şaş in û daxuyanyên ENKSê yek di 12 mehê de derket û berî du rojan ya duyem derket û helwesta me ron bû. Me daxuyaniyek di derheqa daxuyaniya Îtîlafa opozisyona Suriyeyê de derxist. Me reda ltîlafê kiriye. Em dibînîn ku wan karekî şaş û xerab kiriye ku piştgîriya vê êrîşa hovane ya Tirkiyey3e kiriye, em li dijî wê yekê ne û bi helwest û dîtina xwe û yek cih nemaye ku nerênên me, neghştbin wan. Mîna Rûsya û Tirkye. Em du caran bi rayedarên Wezareta Derve ya Tirkiyeyê ciyane û herwiha em bi rayedarên Amrîka, Erebistana Siûdî, Misir, Urdin, Fransa û Berîtanya re jî civiyane. Me ji hemûyan re gotiye ku divê hûn fişarê bikin ser Tirkiyeyê ku êrîşa xwe rawestîne.
Di berdewamiya hevdîtinê de, Elî bersiva pirsyaran wiha da:
ENKS e piştgîrî dide şervanên ku niha li Efrînê li hember êrîşên dewleta Tirkiyeyê şer dikin?
"Em dibêjîn berxwedana Efrînê û mlletê kurd karekî meşrû ye û berevaniyê ji xak, keramet û îrada xwe dikin."
Hêza rojava amade ye di hawara şervanan biçe û şer li dijî Tirkiyeyê bike?
Me bi berdawamî daxwaz ji PYDê kiriye ku pêwîst e, em rêkeftinên siyasî bi hev bikin û hewla dawiyê jî, civîna Duhokê bû ku beşeke taybet a leşkerî bû ku em bikarin leşkerên Roj û bi rêya fermandariyên hevpişk bişînîn Rojava ji bo ku mil bi milê şervanan bervaniyê ji xaka Kurdistana Sûriyeyê bikin, lê PYD ew yek heta niha qebûl nekiriye û naxwaze kes şirîkê biryara wan be.
