Li Enqerê bi hinceta propagandaya PKKê 6 kes hatin desteserkirin

Rêveberiya Ewlekariya Enqerê îddîa dike ku li ser 6 hesabên medyayên civakî “propagandrya PKKê” hatiye kirin û wan kesan di operasyonên Sûriyê de piştgiriya PKKê kirine û bêrêzî li Serokkomarê Tirkiyê Recep Tayyip Erdogan û mezinên dewleta Tirkiyê kirine.

Li gor medyaya fermî ya Tirkiyê, bi biryara Serdozgeriya Enqerê ji bo desteserkirina 6 kesan operasyon hatiye kirin û her 6 kes hatine desteserkirin.

Hatiye ragihandin 6 kesên desteserkirî, bo wergirtina îfadeyê bo Şaxa Terorê ya Rêveberiya Ewlekariya Enqerê hatine veguhastin.

Li Bakurê Kurdistanê û Tirkiyê, hêzên emnî rojane bi ser malan de digrin û bi “hinceta PKKê” xelkê sivîl û kesên siyasetmedar desteser dikin.