Li Çewlîgê bûyera trafîkê: 4 birîndar hene
Li navçeya Kanîreşê ser bi parêzgeha Çewlîgê ya Bakurê Kurdistanê, otombîlek wergeriya û di encamê de 4 kes birîndar bûn.
Li Kanîreşê, îro 11ê Mijdarê li ser rêya Gumgumê otombîla şofêrê wê Rustem Turhan ji rê derket û wergeriya.
Di encama bûyerê de Rustem Turhan û hevjîna wî û du zarokan wan birîndar bûn.
Li ser agahdarkirinê tîmên tendirustiyê û cendirme bo cihê bûyerê hatin şandin.
Her 4 birîndar ji aliyê tîmên tendirustiyê ve bo Nexweşxaneya Dewletê ya Kanîreşê hatin veguhestin û piştî midaxeleya destpêkê bo Nexweşxaneya Dewletê ya Çewligê hatin veguhestin.
Hat ragihandin rewşa birîndaran bi giştî baş e û ti metirsiyeke li ser jiyana wan nîne.
Ev nûçe bi tevahî 660 kes dît.
Nûvekirina herî dawî: 17:07:12
Nûvekirina herî dawî: 17:07:12
