Nûnerê Amerîkayê Nicholas Granger ji bo vekirina deriyê Sêmalka serdana Hewlêrê kir

Berpirsê dosyeya Rojavayê Kurdistanê di Wezareta Derve ya Amerîkayê de Nicholas Granger ji bo vekirina deriyê Sêmalka li Hewlêrê ye û dê ligel berpirsên Hikûmeta Herêma Kurdistanê bicive û hewl bide ku çareseriyek ji deriyê Sêmalka re were dîtin.

Li gor zanyariyên ku Rûdawê bidest xistine, şandiyê Amerîkî duh gihiştiye Başûrê Kurdistanê û li Hewlêrê ye.

Tê çaverêkirin ku Nicholas Granger li Hewlêrê ligel Serok Barzanî û Serokwezîrê Herêma Kurdistanê Mesrûr Barzanî bicive, ji bo ku careke din deriyê sînorî yê Sêmalka were vekirin.

Berî niha Rêveberiya Xweser tevî hewldan û navbênkariya Amerîkayê nehîştibû şandeke ENKSê derbasî Başûrê Kurdistanê bibe, ji bo ku beşdarî vekirina Muzexaneya Barzanî bibin.