Li Hatayê erdhejêke nû

Şeva Duşemê 20ê Sibata 2023an dû erdhejên bi hêza 6.4 û 5.8 pileyên rîxterê navçeyên Defne û Samandagê yên parêzgeha Hatayê hejandin. Ew erdhej li Hatayê bûn sedema zerar û ziyanên canî. 6 kesan canê xwe jidest dan û 294 kes birîndar bûn.

Piştî erdhejê li herêmê gelek erdhejên paşekî çêbûn. Serokatiya Rêveberiya Karesat û Rewşên Bilez (AFAD) ragihand ku li navçeya Samandagê 21ê Sibatê demjimêr 01:56 bi hêza 4.2 pile erdhejek çêbûye, ku kûrahiya wê 7 kîlometre bû.

Li navçeya Nurhakê ya Mereşê jî, roja 21ê Sibatê demjimêr 02:21 bi hêza 4.4 erdhejek bi kûrahiya 7.67 kîlometreyan çêbû.