Li Efrînê 2 welatî hatin girtin
Li herêma Efrînê ya Rojavayê Kurdistanê hêzên Tirkiyê 2 welatî girtin.
Li gor zanyariyên ji çavkaniyên xwecihî hatine wergirtin, hêzên Tirkiyê roja Duşemê 14yê meha Mijdarê, li gundê Gumrûk ê ser bi nahiyeya Mabata li Herêma Efrînê, 2 welatiyên sivîl bi tometa ku kar ligel Rêveberiya Xweser a berê dikir, girtine.
Li gorî heman zanyariyan welatiyê bi navê Muhyedîn Hemdûş Ibrahîm (47 salî ye) û birayê wî Ebdulrehman Hemdûş Ibrahîm (49 salî ye), li mala xwe bûn, li ser destên hêzên Tirkiyê, hatin girtin û veguhestin bo navenda nahiyeya Mabata.
Amarên Navenda Belgekirina Binpêkirinan li Bakurê Sûriyê diyar dikin ku, ji destpêka vê meha Mijdarê ve, li Herêma Efrînê 7 welatiyên sivîl hatine girtin. Ji destpêka sala 2022yan jî, 633 welatî hatine girtin.
Ev nûçe bi tevahî 530 kes dît.
Nûvekirina herî dawî: 17:42:31
Nûvekirina herî dawî: 17:42:31
