Luqman Feylî dibe Balyozê nû yê Iraqê li Neteweyên Yekgirtî

Di merasîma pêşkêşkirina rûpelên piştevaniyê de, Luqman Feylî silavên Hikûmeta Iraqê gihandin Sekreterê Giştî û pesna bizav û piştevaniyên berdewam ên Neteweyên Yekgirtî ji bo Iraqê di warên pêşkeftina domdar û herwesa alîkariyên mirovî, ji nû ve avakirin û avakirina şiyanên dezgehî de kir.

Luqman Feylî pabendbûna berdewam a Iraqê bi prensîb û armancên Neteweyên Yekgirtî û amadebûna wê ji bo hevkariyê bi rêxistinên navneteweyî û organên cuda cuda re tekez kir, bi awayekî ku xizmeta berjewendiyên Iraqê bike û tevlî pêşvebirina aştî, ewlehî û pêşxistinê li ser asta herêmî û navneteweyî bibe.

Li beranberî wê yekê jî, Sekreterê Giştî yê Neteweyên Yekgirtî pabendbûna Neteweyên Yekgirtî ji bo berdewamkirina piştgiriya xwe ji bo pêşxistin û tenahiyê tekez kir.

Profîla Luqman Ebdilrehîm Feylî:

Li sala 1966ê hatiye ser dinyayê û her du nasnameyên Iraqî Brîtanyayî hene.

Li sala 2019ê, Serokê Nivîsîngeha Amerîkaya Bakur û Başûr ya Wezareta Derve ya Iraqê bû.

Endamê Encûmena Kargêrî ya Şêwirmendiya Iraqê, Navenda Diyalogê ya Rafîdeynê û Peymangeha Kargêrî ya Birêvebirina Projeyan a Amerîkayê bû.

Li salên 2018 û 2019ê, wekî Berdevkê Fermî yê Serokkomarê Iraqê kar kiriye, li gel şêwirmendiya karûbarên têkiliyên giştî û kargêrî û plandana stratejîk li Wezareta Derve li salên 2017 û 2018ê, ji sala 2013ê heta 2016ê Balyozê Iraqê li Wîlayetên Yekgirtî yên Amerîkayê bû. Li Japonê jî li salên 2010ê heta 2013ê Balyozê Iraqê bû û li sala 2010ê jî bû Balyozê Wezareta Derve.

Li sala 2006ê Master bi Kargêriya Kar û taybet Kargêriya Teknolojiyê ji Zanîngeha Manchester Metropolitanê wergirt.