Nêçîrvan Barzanî û Konsulê Amerîkayê pêşhatên dawî yên navçeyê gotûbêj dikin
Serokê Herêma Kurdistanê Nêçîrvan Barzanî û Konsulê Giştî yê Amerîkayê li Herêma Kurdistanê Mark Straw derbarê pêşhatên dawî yên rewşa aloz a navçeyê û bûyerên armanckirina hêzên Hevpeymanan civiyan.
Serok Nêçîrvan Barzanî îro 23ê Cotmehê pêşwazî li Konsulê Giştî yê Amerîkayê li Herêma Kurdistanê Mark Straw kir û pêşhatên dawî yên li herêmê û bûyerên li dijî hêzên Hevpeymanan û hevahengiya ewlehiyê ya Hewlêr – Bexdayê gotûbêj kirin.
Her du aliya dilgiraniya xwe li hember egera firehbûna aloziyan û encamên wê li Rojhilata Navîn nîşan dan û tekez li ser giringiya parastina hêzên Hevpeymanan û nûnerên dîplomatîk li Iraq û Herêma Kurdistanê û berdewamiya hevkarî û hevahengiya ewlehiyê di navbera artêşa Iraqê û Pêşmerge ji bo aştî û aramiyê kirin.
Li gor daxuyaniya civînê, Serokê Herêma Kurdistanê û Konsulê Amerîkayê çend mijarên girîng yên cihê berjewendiya hevbeş gotûbêj kirin.
Ev nûçe bi tevahî 520 kes dît.
Nûvekirina herî dawî: 11:08:26
Nûvekirina herî dawî: 11:08:26
