Tirkiye: Bi mûşekan êrişî leşkerên me kirin

Wezareta Berevaniya Tirkiyê ragihand ku li navçeya Çelê ya Colemêrga Bakurê Kurdistanê 2 leşker hatine kuştin.

Wezareta Berevaniya Tirkiyê ragihand ragihand ku îro li herêma navçeya Çelê ya Colemêrgê gerîlayên PKKê "ji dûr ve bi mûşekan êrişî binkeyeke leşkerî" ya wan kiriye.

Li gor daxuyaniyê di encama wê êrişê de 2 leşker birîndar bûne û ew ji bo dermankirinê bo nexweşxaneyê hatine veguhestin, lê tevî hemû midexaleyên bijîşkî ji mirinê rizgar nebûne.

Herwiha hat ragihandin ku hêzên ewlekariyê yên Tirkiyê bi helîkopter û firokeyên bêfirokevan bersîva êrişê dane.

Wezareta Navxwe ya Tirkiyê ragihandibû ku li Çiyayê Cîlo li sînorê parêzgeha Colemêrg operasyonek li dijî PKKê bi navê Birûşk-2 Cîlo dane destpêkirin û Di operasyonê de, hêzên artêşê, tîmên taybet ên polîsan û cerdewan beşdar in.