Serokatiya Herêma Kurdistanê li ser civîna Serokê Herêma Kurdistanê Nêçîrvan Barzanî û Balyozê Brîtanyayê yê Îraqê Stephen Hitchen daxuyaniyek da.
Li gorî daxuyaniya Serokatiya Herêma Kurdistanê, her du aliyan behsa “girîngiya yekdengî û yekrêziya aliyên siyasî yên Herêma Kurdistanê kir.”
Herdu aliyan civîna dawî ya Partiya Demokrata Kurdistanê (PDK) û Yekîtiya Niştimaniya Kurdistanê (YNK) bi erênî nirxand û tekezî li ser berdewamiya diyaloga Hewlêr û Bexdayê ji bo çareserkirina pirsgirêkên wan kir.
Di civîna Serokê Herêma Kurdistanê û Balyozê Brîtanyayê yê Îraqê de mijarên wekî “hevkariya Brîtanyayê bi Îraq û Herêma Kurdistanê re” û “rewşa siyasî ya Îraqê” hatin nirxandin.
Herwiha li ser mijarên “pêwendî û pirsgirêkên Hewlêr-Bexdayê, rewşa Herêma Kurdistanê û pirsgirêkên ku li ber deriyê wê ne” hatin guftûgokirin.
Çend xalên wekî “parastina Hêzên Hevpeyman, pêwendiyên Îraq û Herêma Kurdistanê yên bi welatên cîran re û çend mijarên din” jî hatin gotûbêjkirin.
