Firokeyên Tirkiyê li Zaxoyê otomobîlek kirin armanc: Kuştî hene
Firokeyên şer ên Tirkiyê otomobîlek li Zaxoyê kirin armanc û li gor zanyariyan di wê êrişê de du kesan canê xwe ji dest dane.
Peyanêrê Rûdawê ragihand ku firokeyên şer ên Tirkiyê îro piştî nîvro li herêma ku dikeve navbera deverên Derkar û Bersawa li navçeya Zaxo ya Duhokê, otomobîlek bombebaran kirin.
Di encama wê êrişê de 2 kesên ku di otomobîlêde bûn canê xwe ji dest dane û termên wan jî ji ber wê êrişê bi temamî şewitîne û nayên naskirin.
Heta niha nayê zanîn bê ka ew kesên bûne qûrbanî xelkê sivîl in an jî endamên PKKê ne û derbarê bûyerê de ji aliyê artêşa Tirkiyê û herwiha PKKê ve ti zanyarî nehatine belavkirin.
Ev nûçe bi tevahî 1576 kes dît.
Nûvekirina herî dawî: 05:25:28
Nûvekirina herî dawî: 05:25:28
