Tirkiye: 3 PKKyî li sînorê Xelîfan hatin kuştin
Ajansa îstixbarata Tirkiyê (MIT) ragihand ku wan 3 çekdarên PKKê li navçeya Xelîfan a ser bi qezaya Soranê ve li li Başûrê Kurdistanê kuştine.
Li gor nûçeya ajansa fermî ya hikûmeta Tirkiyê, ajansa îstixbarata wî welatî (MIT) di operasyonekê de li navçeya Xelîfanî ya navçeya Soranê 3 çekdarên PKKê kuştin.
Yek ji PKKyiyên ku mirine bi Vîdat Aksaç ê bi nasnav Şahan tê naskirin, berê wî bi nihênî ji bo PKK’ê dixebitî û di sala 2015’an de perwerdehiya terorê û bombekirinê wergirtiye.
Berî niha saziya Dije terorê ya Hikûmeta Herêma Kurdistanê ragihandibû, êvara roja duşemî 5\9\2022 firokeyeke bê firokevan a nenas li Deşta Balîsan de, hêzeke çekdarên PKKê kiriye armanc.
Li gorî agahiyan, komên çekdar ên PKK’ê ji sînorê rêveberiya Raperînê reviyan û li Geliyê Balîsanê bûn hedefa balafirên bê mirov.
Du roj piştî bûyerê, di 7ê Îlona 2022an de, PKKê di daxuyaniyekê de ragihandibû, ku li sînorê Xelîfan 5 gerîlla hatine armanckirin û 3 ji wan hatine kuştin û 2 jî birîndar bûne.
Nûvekirina herî dawî: 15:34:15
