Firokeyên Tirkiyê gundên Başûrê Kurdistanê bombebaran dikin
Firokeyên şer ên Tirkiyê gundên Keşan û Şilînê yên ser bi bajarokê Batîfayê yê parêzgeha Duhokê bombebaran dikin.
Berpirsê hêzên parastina sînorî Dilêr Ferzende ji Rûdawê re ragihand, îşev di saet 21:15an de firokeyên şer ên Tirkiyê derdora gundên Keşan û Şilînê bombebaran kirin.
Piştî bombebaranê çi zirar û ziyan derketine holê, hêj ne diyar e.
Welatiyekî niştecihê bajarokê Batîfa yê bi navê Nizar Mecîd ji Rûdawê re ragihand: “Ji êvarê ve dengê bombebaranên firokeyan ji gundên derdora Batîfayê tên. Xelk jî ji ber bombebaranê ditirsin.”
Bajarokê Batîfa dikeve rojhilatê Zaxoyê û li gel Bakurê Kurdistanê hevsînor e.
Ev nûçe bi tevahî 1740 kes dît.
Nûvekirina herî dawî: 00:47:40
Nûvekirina herî dawî: 00:47:40
