Mesrûr Barzanî Medalyaya Rêzgirtinê ya Encûmena Pîran a Firansayê werdigire

Serokwezîrê Herêma Kurdistanê Mesrûr Barzanî îro 1ê Cotmeha 2022an pêşwazî li Serokê Komîteya Pêwendiyên Derve, Berevanî û Hêzên Çekdar a Encûmena Pîran a Fransayê Senator Christian Cambon kir.

1 Cotmeh 2022 - 11:06
1 Cotmeh 2022 - 11:06
 0
Mesrûr Barzanî Medalyaya Rêzgirtinê ya Encûmena Pîran a Firansayê werdigire

Di hevdîtinê de, dawî guhartin û pêşhatên rewşa giştî ya Iraq û herêmê û pêşxistina pêwendiyên Herêma Kurdistanê û Fransayê hatin gotûbêjkirin.

Serokê Komîteya Pêwendiyên Derve, Berevanî û Hêzên Çekdar a Encûmena Pîran a Fransayê xweşhaliya xwe di dubare serdankirina Herêma Kurdistanê nîşan da û amaje bi wê da, her carê serdana Hewlêr û Herêma Kurdistanê de, avedanî û pêşketinên berçav dibîne. Amadehiya welatê xwe ji bo pêşxistina pêwendiyên di hemû waran de, bi taybet hevahengiya ewlehî û berevaniyê ligel Herêma Kurdistanê nîşan da. Her wiha Medalyaya Rêzgirtinê ya Encûmena Pîran a Fransayê pêşkêşî Serokwezîrê Herêma Kurdistanê kir.

Serokwezîrê Herêma Kurdistanê spasiya hikûmet û gelê Fransayê kir ku di rojên dijwar de piştevaniya gelê Kurdistanê kirin, daxwaza Herêma Kurdistanê jî ji bo pêşxistina zêdetir a pêwendiyan ligel Fransayê jî dubare kir.

Çaksaziyên Kabîneya Nehem a Hikûmeta Herêma Kurdistanê, giringiya çareserkirina pirsgirêkên Herêm û Hikûmeta Federal û parastin û rêzgirtina li mafên destûrî yên gelê Kurdistanê, mijarên din ên civînê bûn ku Konsulê Giştî yê Fransayê li Herêma Kurdistanê Olivier Decottignies amade bû.

Ev nûçe bi tevahî 549 kes dît.
Nûvekirina herî dawî: 10:35:45