Duhok – Bi amadebûna Serokê Herêma Kurdistanê qurbanên kareseta Şingalê tên bibîranîn

Heşt sal berî naha û di rojekî wek îro de roja 03.08.2014ê terorîstên DAIŞê bi awayekî hovane qeza Şingalê dagirkirin û bi hezaran kes ji xelkê wî bajarî revandin û şehîd kirin. Di salvegera wê karesatê de îro bi amadebûna Serokê Herêma Kurdistanê Nêçîrvan Barzanî ve, dê qurbanên wê jenosîdê bên bibîranîn.

îro 03.08.2022yê demjimêr 10:00ê bi amadebûna Serokê Herêma Kurdistanê Nêçîrvan Barzanî û gelek kesayetên berpirs û navdar ên Êzdî li qeza Sêmêl a ser bi parêzgeha Duhokê beşdarî merasîma bibîranîna qurbanên karesata Şingalê bibin.

Di vê merasîmê de Serokê Herêma Kurdistanê û çend kesayetên din dê gotaran pêşkeş bikin û behsa rewşa koçberan û pirsgirêkên qeza Şingalê dê bikin.