Bingeha Mirovatîyê Xîret e!

Kesayetîyên têr û tişe, xwedî xîret, zû bi zî nabin nesîbê miletan. Ew kesayetîyên taybetin û taybet tên perwerdekirin. Di Kurdistanê de yek ji van kesayetîyan Mesrûr Barzanîye.

Mesrûr Barzanî; hin di mala xwe de, hin di nav refê kurdperweran de û hin li dervê welat, perwerdeyek baş dîtîye. Ji malbatek xwedî hest û ramanên kurdewarî, Kurdistanî tê. Di warê îstîhbarat û asayîşê de, di warê pîlan û programkirina pêşketina miletê xwe de, xwedî hestên hêja, ku miletê Kurd sûdê jê bigire ye.

Di avakirin û pîlankirina Îstîhbarat û asayîşa Kurdistanê de rolekî girîng lîstîye. Dema êrîşên ji terefê dijminan de bi pîlansazkirina DAÎŞ re hat ser Herêma Kurdistanê, Mesrûr Barzanî berpirsîyarê sazîya Îstîhbarat û Asayîşa Herêma Kurdistanê bû.

Li henber pîlansazî û êrîşên DAÎŞê Hewlêr, kir bircek ji pola û asayîşa Hikûmeta Herêma Kurdistanê parast. Dema konsolosên cîhanî ji ber êrîşên DAÎŞê, ji Bexda direvîyan, hemûyan xwe dispart asayîşa Hewlêr, Mesrûr Barzanî pîlansazê wê asayîşê bû.

Ji dewletên dinê re Hewlêr, herêmek herî ewle a Rojhilata Navîn bû. Wê demê di vî warî de bi sedan serokkomar û serokwezîr û wezîrên derve yên dewletan hatin Hewlêr û di derheqê asayîşa Hewlêr de daxuyanîyên erênî dan. Mesrûr Barzanî li perwerdeya xwe di astê postê xwe de jî serkevtî bû.

Mesrûr barzanî bû serokwezîrê Kurdistanê. Ji serî de di serê Mesrûr Barzanî de ew pîlan hebû ku; “divê Kurdistan ji bin tehdît û nîrê Bexda rizgar bibe. Miletê Kurd ji tehdîda birçîbûnê a Bexda rizgar bibe û çavkanîya jîyanê a herêma Kurdistanê û miletê Kurd, ji destê Bexda derkeve. Kurdistan, xwe bi xwe têra xwe bike”.

Mesrûr Barzanî, di destpêka girtina Postê Serokwezîrtîyê de, ev daxûyanî û pîlansazîya xwe eşkere kir.

Mercên başûrê Kurdistanê ku endustrîyek mezin ava bike tinebû. Lê dikarîbû di astek hêja de hinek divêtîyên bilez bihatana kirin ku pêşî li enerjîya Kurdistanê, ku bi kel û pelên derve ve neyê xerc kirin. Di warê çandinî û pîlankirina berhemên erdî de gavên xwe avêt. Bi karsaz û hevalbendên xwe re, bi Holanda û gelek welatên din re ketin têkilîyê, ew anîn Kurdistanê û ji ceribandin û zanistîyên wan fêde girt. Kir ku Kurdistan, ji astek ku her tiştî ji Îran û Tirkîye bistîne, rizgar kir û xist astek ku ew berheman bifroşe İraq û welatên kendava ereban û Birîtanya û Ewrûpa. Îro ji hinar, sêv û heta genim û kartolan, Kurdistan difroşe derve.

Bi pêşketina afirandina kel û pelan re; endustrîya pakêtkirinê jî derket holê. Îro Herêma Kurdistanê hin ji bo xwe û hin ji bona Bexda û gelek welatên herêmê re endustrîya pakêtkirina kel û pelan diafirîne.

Endustrîya Hesin, çîmento, paqijkirina zibalê û gelek kel û pelên xwerinê; Wek goştê mirîşkan, hêk û wek tirşê, Cips, Şîr, mast, kel û pelên paqijîyê, ava hinara, Teîn, simaq û konserwe, hin ji bo xwe û hin ji bona derve diafirîne û difroşe. Berê kel û pelên gundîyên Kurdistanê di destê wan de dima, niha bingeh hatîye avakirin ku dakeve bazarê û keda wan gundîyan jî berbihewa nebe.

Di asta rêveberîya sîyasî û di nav kar û barên hikûmetên cîhanê de jî di her fersendê de cîh girt. Têkilîyek mezin meşand û di her warî de astengên Bexda û zilma ku li ser miletê Kurd dimeşîne anî ziman û eşkere kir. Ji pir dewletan jî, alîkarî û piştgirî girt.

Li henber êrîşên Îranê yên terorî, ku Kurdistanê dixe bin bandorek xerab û dînamîkên netewî yên miletê Kurd dike hedef; dan û stendinên dîplomatîk û hêja meşand. Li helwesta İraq û karesatên Bexda, ku berpirsîyarîya xwe a ji bona parastina xakê Kurdistanê jî gavên dîplomatîk avêt û di astek bilind de piştgirî ji bona herêma Kurdistanê tomar kir.

Herî dawî, di Lutkeya Cîhanî ya Hikûmetên Cîhanê de, ku li Dûbaî meşîya, axivtinek hêja kir û îlan kir ku; “Me îsal şirîkên xwe xurt kir û me pirên nû ava kir. Me vîzyonek Kurdistanê a nû û Herî xurt derxist holê. Mixabin astengên ku hikûmeta Bexda tîne ser me û me Mûçe û maaşên karmendan tehdît dike berdewam e. Evc jî dibê sebebê alozîyan li Herêma Kurdistanê. Hûn ji Îsraîl û Felestînê re “du dewlet” dibêjin. Dema me û İraq jî hatîye. Ev bist sale em diceribînin, helwesta İraqê a li henber Kurdistanê nayê guhertin, em jî doza du dewletan dikin. Divê dinya û hikûmetên dinyayê me fêhm bikin û di vî warî de piştgirîyê bidin me.”

Piştî van serkevtinan:

Li henber malbata Barzanîyan û kadroyên ser kar, êrîşên neyaran û dilnexwazên Kurdistanê berdewam in. Bi salane PKK, vî karî dike û ji bona bandora destkevtin û pêşketinên Başûrê Kurdistanê nebe mînak ji miletê Kurd re; her êrîşan tîne ser Malbata Barzanîyan û herêma Kurdistanê. Bandorek milî a van destkevtinan ku miletê Kurd bipêş de bibe, dişkîne û bizrê dijminatîyê diçîne.

Niha jî carek din bi destê kesekî ku li ber kurtêlên başûrê Kurdistanê mezin bûye û di asta medya de demek bûye xwedî post, di medya dijminê miletê Kurd e ev malbat kirîye hedefa xwe û bizrê nîfaqê, bizrê dijminane diçîne di nav Kurdan de.

Divê ev hêz, dewlet û kesên ku dijminatîya miletê Kurd dikin, bizanibin ku malbata Barzanîyan xetek Kurd û kurdistanî a ku hêza xwe ji dîroka 200 salî a miletê Kurd û Kurdistanê digire. Zû bi zû bi hewlên gur, wawîk û kevtaran ev malbat derbê naxwe. Ji ber ku hêza xwe ji kurdperwerên seranserê Kurdistanê digire.

Dijmin, her hinek ji Kurd, ji xwe re bikaranî ye. Lê ew Kurd, bûne rûreşê miletê xwe û bi rûreşî di dîroka Kurd û Kurdistanê de cîhê xwe girtine.