Van rojan li ser kurdên bakurê Kurdistanê çi Dibe?

Çima li ser Salahttin Demirtaş, di nav kurdan de ev firtone radibe?

Ali Kemal Ozcan, çima xwe davêje pişt Apo, Cemîl Bayık û S. Demirtaş û kurdperweran dike sepetekê û êrîş dike?

Çi li pişt vê girr a pîs heye, Devleta tirk dixwaze di vê pêvajokê de li ser kurdan çi pîlanî, bi rêya kê bimeşîne û li pişt perdê kî bi kê re çi dimeşînin?

Emê li bersîva van pirsan bigerin.

Berî her tiştî ti eleqeya S. Demirtaş û Kurdperweran bi hev re tineye û çênebûye. S. Demirtaş, her di nav wê tevgera ku dijminatîya Kurdperwerên Kurdistanê kirîye û her gotîye “milliyetçilik tehlikeli bir şeydir, biz Türkiyelileşmeyi savunuyoruz! Kurdlere devlet düşüncesine karşiyiz” (Kurdperwerî rêyek bi tehlûkeye, em rêya tirkîyeyî bûne diparêzin, dij dewleta Kurd in!) de cîh girtîye. Di ser S. Demirtaş re êrîşa ku Ali Kemal Ozcan tîne ser Kurdperweran, tirsa PKK-DEM Partî û Abdullah Ocalan bi xwe ye. Ji ber ku di nav kurdan de bi zeîfbûna PKK re pêlek Kurdperwerî di nav ciwanên Kurdistanê de, di portalên medya civakî de derdikeve pêş. Di mîsyona wî de yek jê jikenandina vê pêlê ye. Dîqata dewleta tirkan dikişîne ser vê noqtê ku wek tehlîke dide nîşan. PKK û DEM Partî jî. S. Demirtaş jî heta îro di vê mîsyonê de cîh girtine, ev ne tiştekî veşartîye jî.

Hêlek xweyî din jî derdixe pêş:

Ew jî rewşa PKK ye; xuyaye ji xeynî DEM Partî û Îmralî û Ewrûpa, Dewleta tirk, bandora wê li ser PKK zeîf bûye. PKK, bi carekê de radestî Îran û Sûrîyeyê bûye. Ev ji xwe, ji me re eşkere bû. Me ji zûde girêdanên PKK û Sûrîyê û Îranê dişopand û dizanî. Di şerê wekaletê yê xeta şîe de cîhê xwe girtibû û têkilîyên wan bi Haşdî Şabî, Hizbullaha Libnanê re dîyar bûn. Lê nerehetîya dewleta tirk li ser rewşa heyî a PKK, ku bi hinek hewlan re derdikeve holê, tiştê ku nû ye; xuya dike ku Tirkîye van çend salên dawî însîyatîfa ser PKK û ji xwe re bikaranînê de lawaz bûye. PKK bi carekê de bûye hêzek wekaletê yê Îranê. Ev jî dibe sebebê cûre cûre derxistina dengan di nav girseya ku bi PKK re têkildar e.

A.K.Ozcan di axivtina xwe a oda Xê de, ku 650 kesî lê guhdarî dikir de mesajên beşek ji kûraya dewleta tirkan dida û xwe davêt pişt Abdullah Ocalan û êrîşî S. Demirtaş dikir. Li ser pirsa “S. Demirtaş merivê kê ye?” sê teref derdixis pêş û dixist hedefa xwe. Wek ku ev hersê teref li ser S. Demirtaş hevpar in. Çi digot:

“1-S.Demirtaş zilamê gladîyo ya tirkîyeyê ye.

2-S. Demırtaş zilamê kemalîstên dewleta tirkîyeyê ye.

3-Li pişt S. Demirtaş faşistên kurdan hene.” (Di vir de qezda wî Kurdperwerin.)

Piştî ku ev mesajên aqlê beşek ji dewleta tirkan rêz kir, xwe îca davêt pişt A. Ocalan û digot; “Ji bona ku A. Oclan nemre, ez xwe wek dendikê atomê perçe perçe dikim!” Yanî dibêje; ez peyayê A. Ocalan im û hinek dixwazin bandora wî li ser kurdan kêm bikin, lê ez ji bona ku ev armanca wan neyê cîh, di qadê de di nav hewldanê de me!

Demek dirêje A. K. Ozcan, bi PKK û A. Ocalan re di têkilîyê de ye. Li ser A. Ocalan têz jî nivîsîye. Fermî cara yekem di 20ê Hezîran a 2019 an de, yanî berî pênc salan derket ber medyayê. Têkilîyên wî û A. Ocalan derketin ber me. Wê wextê di 29ê Hezîran a 2019 an de di “Rûpela nû” beşa Tirkî de, bi ser nivîset “stratejîya A.K. Ozcan û A. Ocalan” nivîsek min derket. Min wê wextê jî mîsyona A.K. Ozcan deşîfre kiribû.

Tevgera PKK a legal DEM partî, hefsarê wê bicarekê de ketîye destê Çepgirên tirkan yên beşek ji kûraya dewletê. Ev beş di stratejîya şîe a Îranê de, li gel Sûrîyê û Îranê cîh digirin. Mitînga Stenbolê a ji bona “Hamas û Felestînê” a DEM Partî, belgeya ku ev baskê bi navê çepgirîya tirkan, di nav DEM Partî de ku çawa ji xeta Şîe re dixebitin bi xwe ye.

Hêla din Kurdperwerên Kurdistanê ne:

Yên ku ji kurdperwerîya kurdan acizin û kurdperwerîya kurdan, niştimanperwerîya kurdan wek tehlûkeyek roja tûfanê didin nîşan, aqlê pişt PKK ye. A. K. Ozcan jî xwe dawêje pişt vî aqilî û mesajê dide dewletê;

“Ji bona ku bi dewletê re rêyek têkilîyê vekim, ez xwe diçirîn im!”(!) A.K.Ozcan

Yani vekirî mesajê dide dewleta tirk ku ez, ji bona bicîhanîna stratejîya we, a ser kurdan dixebitim û ji wezîfeyên nû re amade me. Ji ber wê jî bi mejîyê çepgirên kemalîst û aqlê kuraya dewletê kurdperweran bi zimanekî çetel, bi “faşistên kurdan” tometbar dike.

Yê ku di nav kurdan de ev versîyona çepgirîya kemalîstên tirkan bicîh kir jî rêberên PKK bi xwe ne. S. Demirtaş jî yek ji kesayetîyên vê mîsyonê ye. Eger S. Demirtaş lîstika ser kurdan a bi hêza legal a PKK ku li ser kurdan dimeşe ferq kiribe, divê derkeve û vê lîstikê deşîfre bike. Mîsyona Çepgirên Kemalîst yên nav PKK û DEM Partîyê deşîfre bike. Eger vê neke, gotina wî jî ji kurdperweran re pere nake.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.