Çima Barzanî û dîsa Barzanî?

Dema em li tevgera azadêxwaz ya Barzaniyan dinerin, dixwînin û dibînin ku ji bona berdewamiya şoreşa Kurdistanê tim di nava hewldanan de bûne. Ji bona keda wan, tekoşîn, berxwedan û serîhildanên wan yên li hember dagirkeran têk nere tim bi hazirî, aramî û bi aqilane tevgeriya ne.

Di tevgerên her çar perçên kurdistanê de tu kes û rêxistinan weke Barzaniyan dost û dijminê xwe nasnekirine. Lewra jî wan tim li ser vî asasî bi naskirina dost û dijmanên xwe karê xwe heta niha meşandine û wê ji niha û pêde jî bidomînin.

Min xwest bêjim ku divê kurd bi tevger û partiyên xwe, bi dehan caran dîroka Barzaniya bixwînin û bibîne bê wan çawa heta roja îro dev ji tekoşîna azadiya Kurdistanê bernedane û çawa Kurd li Başûrê Kurdistanê kirin xwedî federe ku sibê ew ê bibe dewleteke serbixwe jî.

Dema Barzaniyan dest bi şerê azadiya kurdistanê kirin, her li ser wî asasî ku bikaribin dost û dijminan ji hev veqetînin û dê çawa bikin da ku tekoşîn, berxwedan û serîhildana wan bi temamî têk nere.

Piştî salên 1900 tevger û revebiriya wan tim bi du kes û kesayetiyan hatiye bi rêvebirinê. Di dema xwe de nemiran Şêx Ehmed û Mistefa Barzanî bûn ku ji bona azadî û serxwebûna kurdistanê tevger bi rêve dibirin.

Di nava wê tevgerê de wan her kar û xebata ku rojekê ew koç bikin dê kî wê şûna wan bigere da ku tevger têk nere. Loma jî bi hazirî û nasîna Barzaniyê nemir her wî du kes destnîşan kiribû ku piştî wî dê ewên tevgerê bi rêve bibin.

Her weha jî bû û du kes, du kesayetiyên ku wê sibêrojê şûna wî bigirtana destnîşan kiribû. Yek ji wan nemir Îdrîs Barzanî û ê din jî rêzdar Mesud Barzanî bûn. Lewra piştî kockirina nemir Barzanî, tevger û berxwedana miletê kurd ya bi serpereştiya Barzaniyan nesekinî li xwe ne heyirîn û rêzdar Mesud Barzanî kirin serokê partiyê û rêvebirê tevgera azadîxwaz

Lê her çiqasî rêzdar serok jî bû, tim ew û nemir Îdrîs Barzanî li gel hev û bi yek biryarê karê xwe dimeşandin. Piştî koçkirina nemir Îdrîs Barzanî. Êdî barê giran mabû li ser pişta rêzdar Mesud Barzanî ku ew jî kesayetiyekî bi helwest û gotinên xwe bû ye kesayetiyekî navneteweyî.

Her Barzaniyan hazirî kirin ku piştî rêzdar Mesud Barzanî jî valahiya di tevgera azadîxwaz û serxwebûnxwaza ya gelê kurd de nebe, Wan di nava xwe de vê carê jî rêzdar Nêcîrvan û Mesrûr Barzanî hazir kirin ku partî û tevgera wan ya têk nere.

Ji ber ku Barzaniya dîroka xwe û ya gelê kurd baş dizanin û dizanin çi dema serokatiya gelê kurd têk çû ye, tevgera azadîxwaz nemaye. Loma ji bona gelê kurd bê serokatî nemîne û tevgerên wan têk nere, wan ji roja ewil de ev yeka dizanîbûn û li gor wê jî bi hazirî karê xwe mesandine û didomînin.

Lê niha em bala xwe didinê ku Barzaniyan her ev yeka kirine û dikin. Loma jî ked, berxwedan û serîhildanên wan bi avê de ne çû îro em kurd li başûrê kurdistanê kirine xwedî dewleteke Federe.

Barzanî dizanin ku ji bona kurdistaneke serbixwe wê dem û wext zêde be, loma hê jî karê xwe yên bikaribin li dû herdu rêzdaran bidomîne ji niha de haziriya xwe dikin. Ji ber vê jî ji niha de ew hêja Îdrîs Niçîrvan Barzanî û Arîn Mesrûr Barzanî, hazir dikin ku sibê kurd û partî bê serok nemînin.

Gelo di kîjan tevger û partiyên bakurê Kurdistanê de ev sîstem heye? Tune ye ji ber ku piştî 1980î êdî mirov û zarokên serokên tevgerên bakurê kurdistanê bi xwe jî ne li gel bavê xwe ne. Dema tu nikaribe zarokên xwe bixe nava karê siyasî gelo tê çawa bikaribe zarokên xelkê ji wan bixwazî? Baş tê zanîn ku bê ciwanan, tu welat nikare azadiya xwe bi dest bixe. Her çiqasî ev tê zanîn jî lê yên me, zarokên xwe dûr û xwe jî weke nûr dixin nava partî û tevgerên bakurê kurdistanê. Ew jî û em jî dizanin ku tenê bi salmezinan tu welat nikare azadiya xwe bi dest bixe.

Bi vê munasebetê ez 60 saliya pêşmergebûna serokê Kurdistanê rêzdar Mesud Barzanî pîroz dikim û ji wî re temenekî dirêj dixwazim. Bi hêviya ku ew ê serxwebûna Kurdistanê weke mizgineke bide gelê xwe.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.