Seredana HDPK(K)ê

Seredan ne bes bû, vê carê jî di tv yên xwe de li ser bûyerên ku pk(k) bi destên xwe dike bernameyan amade dikin. Nerîn û dîtinên pk(k) belav dikin û bi vê jî piştgiriya terora pk(k) dikin. Yanî li bakurê Kurdistanê siyaset bê pk(k) nameşe û nadin meşandinê. Divê êdî ev bê zanîn…

Dema pk(k) pêşmêrgeyan dikujin, gelo hdp ê seredana kîjan malbatên pêşmêrgan kirin, an bi kiîjan daxuyaniyê ew bûyer şermezar kirine? Tuuu… nee… yeeee…

Nêzîkî 40 salan e ev lîstik ango ev senaryo her tê lîstin. Lê hê jî wan rêxistinên me ev fêm nekirine ya jî naxwazin fêm bikin. Ji ber ku benê piraniya wan di destê pk(k)ê de ye.

Heta rewş li bakurê Kurdistanê weha be, wê her serketin jî ya pk(k) be. Qelsî û lawazî jî wê tim para wan partî û rêxistinên me bin.

Ji bona tu xurt bibe û bibe altarnatîfa azadî û serxwebûna Kurdistanê divê tu ango wan rêxistinên me çend xetên sor destnişan bikin.

Lê nakin.

Yek newêrin, ji ber ku pk(k) diranên wan kişandinê û ew xesandine. Kesên bê diran nikarin nokan bixwin û kesên xesandî jî nikarin bizewicin, zarokan çê bikin û civateke nû li xwe zêde bike. wê her ê ew anîne serê wan, xwedîtiyê bi gelek fêlbazî û civan li wan bike.

Ji bona partiyek an rêxistinek bi rastî bixwazî bibe Kurd û Kurdistanî, divê ew kes, kesayetî, partî û rêxistinên li dij berjewendiya Kurdistanê bin, bibe xeta sor ya wan partî, kes û rêxistinan. Lê me ev hê li bakurê Kurdistanê nedîtî ye.

Lê em dibînin ku tu xetên sor yên partiyên ji xwe re dibêjin; ”Em Kurd û Kurdistanî” ne tune ye. Ji ber vê jî tim qelsî, jarî û kêmhêzî dibe para wan.

Xurtî, bi hêztirîn û malwêrankirin jî dibe para pk(k)ê. Ji ber vê ye ku ew xurt û yên me jî qels dibin. Loma pk(k) bi hêztir û yên me jî lawaz dibin.

Çareserî???

Çareserî ew e ku dive wan partiyên me bi temamî xwe ji pk(k) dûr bixin. Bi tu awayî, di tu platformanda bi wan re rûnenên. Nebin alîgirê bûyer û kiryarên pk(k) ê. Em dizanin nikarin rexne bikin lê bela bêdeng bin.

Ji ber vê dibêjim, bila wan partiyên me tenê karê xwe bikin, pêwîstiya dijminatiya pk(k) bike jî namîne. Ji ber ku tu bi wan re rûnanê û di tu platforman de bi wan re kar nake. Mesele diqede.

Heta niha tenê HAKPARê ev kirî ye. Xeta xwe ya sor tim bi bîr anîye. Lê çima ew xurt û bi hêz nabe?

Li gor min divê partiyek li gor organên xwe yên hilbijartî tevbigere. Li gor biryar û têbiniyên organên hilbijartî karê xwe bike. Lê dema destek ji derve û bi mudaxeleyî nava wê bike, ew jî dixetime û organên hilbijartî bê însiyatîf dimîne…

Li gor min kêmanî û ne pêşketina HAKPARê tenha ev e. Hêvîdarim wê rojekê xwe ji vê azad bike û bibe partiya gelê xwe. Bibe altarnatîfa miletê xwe. LÊ…

Ew hêvî û bawerî di HAKPARê de hê jî heye. Heger ew jî xwe neguhere, bi azadî, serbestî û li gor organên hilbijartî karê xwe neke, ew ê jî bibe weke yên din.

Ji bona parastin û xwedî li berjewendiyên Kurdan û başûrê Kurdistanê derketandinê divê li bakurê Kurdistanê tevgereke neteweyî û xurt, Kurd û Kurdistanî hebe, divê hêz û qaweteke li ser xet û baweriya neteweyî derkeve.

Bi tirsonekî, bi şinekî, bi şelaftî û li ser asasê derewan siyaset nameşe. Heta derekê dihare, ji û pêve dixetime.

Di avakirina PAKê de hêvî ew bû ku ew bibe altarnatîf. Di destpêkê de gavên baş avêtin lê her ku çû ew jî bû weke yên din. Heger ew li xeta xwe ya ewil vegere dikare bibe altarnatîfa ya ku gel lê digere…