Kongreya HAK-PARê

Divê HAK-PAR bêtir neteweyî û firehtir bifikire. Tehamula rexna û însanên weke hev nefikirin jî bike da ku bibe gel û wê sîwana ji bona xelkê xwe ji ber baranê biparêze vekirî ye bê parastin.

Bube Eser

28.04.2022, Per | 07:07

Di demeke nêzîk de ango di roja 15.05.2022an de wê kongreya HAK-PARê ya 9 em pêk bê. Ji niha de ji wê re serketinê dixwazim û dibêjim:

Em hez bikin nekin di rêya xwe de HAK-PAR li gor destûr û bernameya xwe rêya xwe heta vê kongreya 9an anî û wê hêjî bimeşe. Wê di berdewamiya karê xwe de ji bona gelê xwe bi rêxistinê bike, xebat kirî ye û wê hê jî bike.

Ez di wê baweriyê de me ku rol û erkê HAK-PARê ji her demê bêtir niha derketiye pêş. Ji ber vê jî divê êdî ew jî hin guherandinan di destûr û bernameyên xwe de bike. Divê HAK-PAR bikaribin di van rojên zor de pîbarî gelê xwe ve rabe. Ji bona bibe dengê gel, bikaribe herkesan hembêz bike, kar û xebatên berfirehtir bike. Di hemî partiyên cîhanê de sedî sed bila weke min be tune ye. Mirov li ser hin xet, rê û rêbazên neteweyî li hev dike û bi hevre kar dike.

Di partiyan de mirov weke hev nefire jî di hin xalên ji bona neteweya we pêwîstiya ku mirov ray û fikra kesên weke hev nafikirin jî bigire, heye. Divê şert û mercên demokrasiya ku em tim bi nav dikin, bê bi kar anîn.

Divê HAK-PAR bêtir neteweyî û firehtir bifikire. Tehamula rexna û însanên weke hev nefikirin jî bike da ku bibe gel û wê sîwana ji bona xelkê xwe ji ber baranê biparêze vekirî ye bê parastin. Rol û erkê HAK-PAR hê jî berdewam e. Heger ji derve tu mudaxele di nava wê de nebe, ez bawerim wê hê xurtir û bi serketîtir ji kongreya xwe derkev e ku êdî xelkê jî piştgiriya wê bi awayekî gelemperî bikin.

Ez di wê baweriyê de me ku hin dest ji derve mudaxeleyî nava karê HAKPARê nebe, aha wê gave dê ev partî jî bibe ya hemî kurdên bakurê kurdistanê û di wê baweriyê de me ku wê ev partî ji nû de zîndî bibe û wê bibe male xelkê.

Em weke kurdên bakurê kurdistanê niha di pêvejoyeke gelek hesas de derbas dibin. HDP û dewlet bi her awayî kar dikin da ku tirkbûn û tirkiyebûnê bi kurdan bidin qebûlkirinê. Hin partî û tevgerên kurdan jî ji vê re çi bi zanetî çi jî bi nezanê dibin alîkar. Rewş gelekî hesas û berbi xerabûnê ve dihare. Bi hêviya ku HAK-PAR li gor vê rewşe bi awayekî girseyî û bi serfirazî bi xwîneke taze û bi berpirsiyariya ciwanan reng û dengê xwe bilind bike û vê kongreyê bi serketî biqedîne.

Li bakurê Kurdistanê êdî her tişt bûye berjewendiya partî, tevger û sexsî loma xeta neteweyî niha gelekî lawaz bûye. Ji bona ev pêla lawazbûnê rabe dive êdî HAK-PAR bi rol û erkê xwe ê neteweyî rabe û kongreyeke li gor dilê beşdaran pêk bîne.

Divê HAK-PAR bi xwîneke taze bi hêzeke neteweyî û xurt, bi pêşevaniya ciwanan ji vê kongreyê bi serfirazî derkev e.

Heger HAK-PAR dixwazî bibe dengê gel, divê guhdariya gel û rewşenbîrên gelê xwe jî bike. Ji ber ku niha roj ne roja ez û ez ê me. Roj roja bilindkirina hizra neteweyî, qawet û yekîtiy gel e. Gel piştgiriya kîjan partiyê bike ew ê bi serkeve.

Ji kongre 9 emîn ya HAK-PARê re serketinê dixwazim. Bi hêviya hilbijartineke asayî bê destdirêjayiya derve, kongreya xwe bi mizginiyekê ragihînin.

Rol û erkê HAKPARê mezin e divê ev bê zanîn…

ÊDÎ HÛN DIZANIN

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.

2132 kes dît.
Rojanekirina Dawî:13:34:26

Bube Eser

Nivîsên Dawî a Nivîskar