Bê helwestiya Kurdan li hember PKK/PYD!!!

Lê ya rastî ne ev e. Heger bê bîra we, dema PKK derket navê xwe bi kuştina welatparêz û li hember eşêrên bi tirkan re kar ne dikirin, bi şerê li hemberî wan destpê kir, belav kir û got; ”Vana li hember şoreşî asteng in”. Lê mixabin wê demê kesan ev fêm nekirin ku PKK dixwest bêje, vana li hemberî me asteng in. Yên li hemberî me divê ji holê rabe.

Bi vê yekê welatparêz li bakurê Kurdistanê nehiştin. Yên wan bi destên xwe kuştin yên wan bi saya xalanên xwe, dewleta dagirker ya tirk dane girtin û kuştiin. Yên ji ber zilma herduyan reviyan da ku canê xwe xilas bikin, li welatên ewropayê belav bûn.

Bi van kiryarên xwe PKK bakurê Kurdistanê vala kir, xelk ji ser erda wan mecbûrî koçberiyê kir. Lewra xelk ji bona nemirin, neyên kuştin, mal û erdên xwe hiştin berbi bajarên metropolên tirkan ve reviyan. Û ya rastî piraniya wan li wir neman, ango bûna tirk. Ji ber ku ji ziman û adetên xwe dûrketin…

Bi vê yekê dilê PKK rehet nebû, ji ber ku li gor daxwaza dagirkeran hê jî weke wan digot, Kurdistan vala ne bû bû. Xortên kurd jî li gor dilê wan hê nehatibûn kuştin

Çi kirin;

Bi saya kolana xendekan, ew derê hê baş vala ne bû bû, divê vala biba. Ew xortên ne bi pkk re bûn, lê welatparêz bûn, divê bihatana kuştin.

PKK ev jî kir û piştî wê feleketa kolana xendekan, her tişt êdî li gor dilê wan û xalanên wan meşî ya. Lê hê jî hin kurdan ev fêm nekirin û naxwazin bikin jî…

Jê û pê ve çi kirin?

Êdî PYD bi destê PKK û li gor alîkarî û agahdariya dagirkeran hate damezrandin da ku ew jî li rojavayê Kurdistanê weke bakur bikin û kirin.

Bala xwe bidinê derketandina PYD û navê xwe belavkirin bi despêka kuştina welatparêzin dest pê kirin. Weke PKK.

Piştî belavkirina navê xwe hêdî hêdî weke PKK kirin û êdî dest bi kuştina welatparêzan kir. Wan jî weke PKK çek û alîkarî ji dagirkeran digirtin.

Dûre xwestin rojavayê kurdistanê weke bakurê kurdistanê vala bikin û kirin. Wan ji derveyî vê ango ji bilî xwe tu hêz, tu qawetek din nexwestin. Hêz û tevgerên din jî qaşo ji bona şerê brakujiyê nebe, newêrîbûn vegerin û li hember wan şerê aman û nemanê bikin

Bi vê yekê rojavayê Kurdistanê bi saya dagirkerên ku alîkariya PKK PYD dikirin. PYD li rojavayê Kurdistanê kirin serdest û desthilat.

Projeya dagirkerên tirk ev bû ku bi saya PKK û PYD rojava jî vala bikin heta xwestin di lozana dudan de ku wê ji nûde sînor bêne destnîşankirin, wir bi ser tirkiyê de berdin. Yanî erda xwe zêdetir bikin.

Ji ber vê tirkan bi her rê û olaxan alîkariya PYD dikirin da ku daxwaza xwe bi destê PYD li rojavayê Kurdistanê bi cih bînin.

Dema PKK derket li bakurê kurdistanê û heta li perçên din jî piraniya kurdan digotin: PKK rêxistineke welatparêz e. Loma divê em alîariya wê bikin û kirin.

Bi can û malê xwe, bi alîkariyia madî û manewê alîkarê pêre kirin û kirin bela serê xwe. Loma jî niha kes newêrin li hember wan tiştekî bêjin.

Bi eynî taktîkê PYD jî xurtkirin, Wê her welatparêzek dikuştin kesên din digotin ew şoreşê dikin, vana normal e.

PYD jî weke PKK rojavayê Kurdistanê vala kirin, mal û canê xelkê ji wan girtin. Kesên welatpêrêz kuştin û hê jî dikujin.

Lê mixabin ez vê fêm nekim ku çawa hin hê jî dikarin pesnê PYD bidin û didin. Divê êdî wan kesana vê fêm bikin. kuştina welatparêzan ya ku bi destê PYD dibe, gelo li gor hesabê kê ye??? Helbet kuştin ne tiştekî xweş û rast e ya ku niha û berê jî PYD dikir. Lê wê xemê dixwim ku hê jî hin rewşenbîr, siysetmedar pesnê PYD didin.

Li gor wî/wan PYD rêxistineke welatparêz e û yên ku bikaribin rojavayê kurdistanê xilas bikin tenha ew in. Yanî PYD ya ku welatparêzan dikujin axa Kurdistanê pêşkêşî dagirkeran dike, li gor wan ya herî baş e.

Îcar em ê çi bikin?

Kurd ji dîroka xwe dersan nagirin. Kurd xwe nas nakin. Kurd zû dixapin û do jî pir bi rehetî ji bîr dikin.

Heger li bakurê Kurdistanê li hember PKK helwlesta welatparêzan yek ba, îro PYD bi rehetî dê nikarîbûn welatparêzan êşkence bikirana, bikuştinana û cenaze wan jî bidana malbata wan.

Ez vê helwesta wan şermezar nakim, ji ber ku ew jî weke PKK karê xwe dikin. Ez bêdengiya welatparêz û yên xwe demokrat dibînin û pesnê PYD didin, dikim.