Roja 9 meha îlonê dê çi bibe?

Weke diyar e di roja 9 îlona 2018an de li swdê hilbijartin heye. Di vê rojê de wê hilbijartina giştî a parlemenê, şaredarî û her wekî din bibe.

Em dizanin ku gelek kurdên me hema di hemî partiyên Swdêdiyan de kar dikin. Li gor min karkirina wan û bi endambûna partiyên swediyan karekî baş helwesteke delal digirin. Loma jî ez ji hemî namzetên kurd ra serketinê dixwazim.

Lê min xwest vê jî bêjim; Kurdên di nava parityên swdêyan de kar dikin, xwe gelekî diwestînin. Ji swêdiyan bêtir kar dikin û ji wan bêtir zehmetiyan didin xwe.

Swedî ango partiyên wan jî bi vê yekê baş dizanin. Ew jî fêr bûna ku wê çawa dengên kurdan bigirin. Çi dikin?

Berendamên kurd dixin rêzeke weha ku ew jî dizanin ewên dernekevin, lê bi vê yekê jî dixwazin dengên kurdan bikin yên xwe.Ê namzet jî hêvî dike ku rêza ew têde ye û kurd jî dengê xwe bi taybetî bidin wî/ê dê derkeve. Loma bi vê hêviyê zêde kar dike.

Weke mînak: Em bêjim li herêmekê partiyek ber endamekê xwe ê kurd heye, wî/ê dikin lîstan sisiyan. Lê ew jî û berendamê kurd jî dizanin ku ew partî herî zêde dikare 2 kesan ji wir derxin . Çima wî/ê dikin ê sisiyan?

Ji bona ê sisiyan kurd e, ew jî ji bona derkev e bi şev û roj kar dike, xwe dighêjîne kurdan da ku li hember navê wî îşaret (X) bikin ku ew deng ji wî/ê re here.

Bi vê yekê ew canik û camêrê bi şev û roj kar dike, him dengên kurdan tîne û him jî dizanin derketandina wan ango hilbijartina wan zehmet e. û dizanin dernakevin, lê bi hêviya wê derkevin karê xwe baş dikin. Dengê tînin jî ji wê partiya ku ew bi xwe berendamê wê ye dihare. Li vir ê qezenc dike partiye.

Ji ber swêd welatekî jîr û jêhatiye, dizanin ku wê çawa çend dengên kurdan bighêjîne partiya xwe. Di vî halî de partî li karê ye lê ê zerar dike kurdê me ye. Çi madî çi jî di warê moralî de.

Kurdên dibin berendam jî tim hêvî dikin ku kurd wê dengê xwe bide wî/ê ku ew jî bi saya wan dengana di parlemenê an jî di şaredariyan da cihê xwe bigire. Lê nayên hilbijartin. Ev jî dibe sedeme dilmayînê.

Bi salan e ev dibe û partiyên swêdiyan vê baş bi kar tînin, Bi vekê endam û namzetên xwe bê hêvî nakin û him jî baş dizanin ku wê neyên hilbijartin.

Min xwest bêjim; Madem kurdên me yên dibin namzet ango berendam, bi şev û roj kar dikin. Sekin li wan tune ne. Heta hilbijartin biqede mala xwe, zarokên xwe ji bîr dikin. Lê nayên hilbijartin û dengên top dikin hemî dibe yên wê partiya ew bi xwe endamê wê ye.

Ma gelo çima van kesên me bi partiya xwe re pazarî nakin ku bixin sira ku wê bêne hilbijartinê. Dîsa bila kar bikin. Bila sekin li wan tune be. Lê bi vê xebata zêde, bê rawestandin, bi şev û roj karkirin û bê encam, gelo nabe heqsizî?.

Weke kurdên li swêdê mafê wan ê dengdanê hebe jî dibin çend perçe. Ji ber belavbûna kurdan di nava partiyên cûda cûda de, dibe sedemê belavkirina dengên kurdan jî.

Ji xwe kurd fêrî perçebûn û belavbûnê bûne,li welatê lê ne jî di hilbijartinande vê li wir jî dikin.

Serketina hemî namzetên kurd yên di hemî partiyên swêdî de kar dikin, dixwazim. Her hilbijatina kurdekî/ê ji bona dezgeheke swêdî bo me kurdan serbilindî ye.