RNK-KUK, Ala Rêzgarî û PKK

Hûn bawer bikin, endamên van hersê rêxistinan, bi qasî ku fedekar û cefaker, jêhatî û kêrhatî bûn, yên weke wan hê jî nehatine û zehmete êdî bên. Ji ber ku wan dikarîbûn her çar perçê Kurdistanê jî azad bikirana. Lê rêvebirin wan ne li gor vê zîrekbûna wan bûn. Weke:

Rêvebigirin pkk zilamên dewletên dagirkeran bûn. Loma jî fedekarî, zehmetî û cefakariya wan xort û ciwanên delal ji bona berjewendiya dagirkeran hatin bi karanîn û hêjî weha ye.

Rêvebirên pkk nehişt ku endam xwe bighêjînin, zana û xwenda bibin, bîrewir û têhiştî bibin. Ji ber vê yekê bû ku keda wan endamên canfîda yên hêja ji dagirkeran re çû û hê jî dihare. Lê ew hemû kesana şehîdê gelê xwe ne. Hêja û delal bûn hemûyan jî ji bona kurdistanê canê xwe dan.

Rêvebirin RNK. KUK û yên Ala Rizgarî hemû welatparêz û dilsozên gelê xwe bûn. Armanc û hedefan wan ew bû da ku welatê xwe ji bin zilma dagirkerên tirkan derxin.

Bi vê armancê ketin ser rê endam li hev civandin, roj bi roj rêxistin bi pêşve birin, karên delal û zelal bo gelê xwe kirin. Hiştin û xwestin endamên wan zana û têgihiştî bibin. Yanî bi qasî ji wan dihat, rêyên baş û bi pêşniyarên delal endamên xwe perwerde dikirin.

Loma jî rêvebirên van herdu rêxistinên me karê rêxistinê heta derekê baş birin. Jê û pêve rewş guherî gelek endam bi zîrekbûn û zanabûnên xwe ketin pêşiya rêvebirin xwe. Aha çi bû li wir qewimî.

Wan rêvebirên delal welatparêzên ji dil ev yeka nedîtin. Ji ber wê jî zêde xwe newestandin, wan weha dizanî bûn, wê her dem bi zanebûnên xwe, bi kiryar û bûyerên xwe di pêşiya endamên xwe de bin.Ya jî rewş dîtin fêm kirin lê weke nedîtibin xwe bê deng kirin. Loma kar û barên herdu rêxistinan heta derekê bi fedekariya endaman gelekî baş bi rêve çû. Bar mabû li ser hustiyê endaman.

Çi dema endamên rêxistinekê bi zîrekbûn û zangariyên xwe bikevin pêşiya rêvebirin xwe, divê rêvebir zûtirîn wextê vê rewşê biguherin. Rê ji wan kesan re veke. Heger weha nekin ew rêxistin mehkumê belavkirinê dibe û bû jî.

Gelo îro ji bilî endamên van rêxistinan, rêxistin maye? NA.

Lê tu dibîne ku wan endamên pak û delal hê jî li ser xeta xwe ya welatparêzî karê ji wan tê dikin. Her hinek di hin rêxistinên din yên welatparêz de cihê xwe girtine û di wirde jî karê delal dikin.

Lê em dibînin ku wan rêvebirên me hê jî bi serê xwe ne. Hin ji wan hîna jî xwe weke rêvebir dibînin. Loma jî nikarin bikevin nava rêxistineke nêzîkî xwe û li wir karê siyasî ji bona welatê xwe bidomînin.

Piraniya wan îro li malên xwe ne ango ne di nava rêxistiknan de ne û ne jî tu rêxistrêxistinek li gor demê damezrandin.

Bila rêvebirên me yên van herdu rêxistinan li min bibuhurin ku herdu rêxistinên delal jî bi saya serê wan îro nema ne. Dîsa jî dibêjim rêvebirên wan herdu rêxistinên me jî bi rastî welatparêzin hêja, xebatkarên delal bûn. Bi saya wan gelek karên hêja jî hatin kirin. Lê kapasîta wan, zanyarî û têgiştina wan, bîrewerî û dûrdîtina wan, ya rêvebiriyê heta derekê bû,

Çi dema karê rêxistinê li derekê sekinî divê wan ev bidîtana da ku bikarîbana guherandin bikirana. Ya ew kapasîta ku bikarîbana guherandinên nûjen bikin bi wan re nemabûn, ya jî ewqasî tê gihiştîbûn.

Gelo van rêvebirên me yên wê demê ên herdu rêxistinan, carekê be jî li ser vê fikirîn. Kêmanî û şaşiyên xwe dîtin. Sedema têkçûna herdu rêxistinan eşkere kirin? Helbet na.

Rica û daxwaza min ji wan, bikaribin vê yekê bikin û li gor xwe raya giştî hinek agahdar bikin ku sedema têkçûna van herdu rêxistinên delal çi bû? Hê jî gelek tişt di tariyê de maye û hin endamên wan jî hê nizanin çi bi serê wan hat.

Di dîroka bakurê kurdistanê de tu endamên weke yên van herdu rêxistinan ku hebûn, hê derneketiye û bawer nakim ku derkeve jî. Ma ne heyf bû ku bi hezaran kesên weha zîrek, fedekar û têgihiştî bûna qurbana çend rêvebirên ku destê wan ji rêvebiriyê nedibûn…

Têbinî: Di vê nivîsê de mebesta min ne kêmkirina tu endamên rêxistinên din e. Ji ber ku rêxistinên din baş xerab, kêm zêde xwedî rêvebir û serokatiya xwe bûn.

RNK. Rêzgarîxwazên Netewaya Kurdistanê (RNK). Navê kurdî ev bû, lê wê demê ji ber ku tenê partî û rêxistinên me tirkî bi kardianîn. Her tiştên me jî bû bûn tirkî. Loma tirkiya wê. Kurdistan Ulasal Kurtuluşçûlar yanî (KUK) bû û tenê ev nav hate nasîn û bi karanîn…