Şert û mercên yekitiya Neteweyî…

Di van deman de bi qasî behsa yekîtiya neteweyî tê kirin, behsa azadî û serxwebûna kurdistanê nayê kirin. Çima ev tê kirin?

Ji ber ku li ser daxwaz û bi destê hin şexs û partiyan hemî hêjayiiyên kurdan têk çûne an têk birine. Loma jî heta niha ya qirêj nebûye, tenha mijara yekitiya neteweyî ye. Ji ber vê hin bi zanetê vê davêje mazata kurdan daku vê jî bê qîmet û rûmet bikin.

Dixwazin lê weha bikin ku heta û hetayê tu yekîtiyên neteweyî pêk neyê. Daxwaz û helwesta hinan ji bona vê ye. Loma bi înad her behsa vê dikin û dixwazin lê weha bikin ku weke ji vê pêve tu derd û êşa kurdan nema ye.

Berî salên 1980 û heta azadiya başûrê Kurdistanê ev daxwazeke baş bû. Lê wê demê jî û vê demê jî pêkhatina wê zehmet e.

Çima?

Niha em dibînin ku başûrê kurdistanê dewlet e. Li gor normên civakî û navneteweyî jî dewletek nikare bi rêxistinan re rûne da ku yekîtiyeke neteweyî damezirîne. Ev ne destûrî û qanûnî ye jî.

Çi dikare bibe???

Ji bona pêkhatina daxwazeke weha parlementoya kurdistanê dikare dest bavêje vê. Şert û Mercan bipîve, heger dest da an dikarîbûn, wê gavî ew bi xwe dikare ji bona yekîtiya neteweyî gavan bavêje.

Ya din nabe ku dewletek bi rêxistinan re rûne û bi wan re ango bi hevre yektîya neteweyî damezirîne. Em dibînin û dizanin ku îro başûrê Kurdistanê dewlet e. Her çiqasî di qada navneteweyî hê jî weke dewlet nehatibe ragihandin jî ji bona me kurdan êdî wir dewleta kurdan e û kurdan temsîl dike.

Bi serpereştiya wê, kurd dikarin hin gavên lazim bavêjin. Wekî din bi vî halê xerab ku di nav perçan de bi xwe hê gelek nakokî û hevneqebûlkirin hebe, nabe em ji bona yekîtiyeke neteweyî xwe bişewîtînin.

Heger kurdên perçên din ji bona yekîtiyeke neteweyî cidî bin, xwedî helwest û biryar bin, bila bifermon berê xwe safî bikin. Yekîtiya xwe di perçê xwe de pêk bînin da ku mirov ji wan bawer bike

Piştî xwe safîkirin û yektîya nava xwe ragihandin, mirov dikare êdî behsa yekîtiya neteweyî bike. Ji bilê vê tu rêyên din tune ne. Hin bi tundî vê bixwazin, bizanibin ku niyeta wan ne paqij e.

Li gor min, ji bona karekî weha van xalîn min destnîşan kirîye yên herî girîng in ku mirov bikaribe yekîtiya neteweyî pêk bîne. Vekî din vala ye.Berdewamiya helwesteke weha li gor min têkbirina hebûna başûrê Kurdistanê ye..

Ji bona yekîtiya neteweyî…

Divê di bin ala kurdistanê de ev pêk bê Bi partî û sexsên ala kurdî nasnakin yekitiya neteweyê çê nabe Divê Ziman kurdî, bê zimanî kurdî yektiya neteweyî çê nabe Kurdên her perçî divê berê di nava xwe de yek bin Bêyî azadiya her çar perçan êdî yekîtiya neteweyî pêk nayê. Divê elfabeya her çar perçen yek be Divê dijminatiya nava kurdan rabe Xwe firoş, welatfroş û cahşên kurdan bê ceza nemînin Her kesên di rêya neteweyî de şaşî kiribe divê hesab jê bê pirsîn Divê sîwaneke neteweyî bi destê hin desthilatê kurdan ve bê vekirin Parlementoyek ku ji her çar perçan weke navend hebe. Her perçeyeke jî di nava xwe de xwedî parlemento û desthilat be. Şexsiyetekî bi karibe temsîla her çar perçan bike bê hilbijaftin

Dibe ku hinên nehatine bîra min jî hebin, bê vana tu caran yekîtiya neteweyî çê nabe. Loma ev nav heta niha qirêj nebûye, hin bi zanetî dixwazin vê jî qirêj bikin da ku kurdan bê helwest û armanc bihêlin.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.