PKK Tu Caran Naqede!!!

Niha em baş dizanin ku çi rêxistin û li ku derê bi destê dewleta dagirker bêne avakirinê, karê xwe pê diqedînin û ji bona ji holê rake, li fen û fûtan digere. Lê tu caran jî naxwaze ew bi temamî ji holê rabe ji ber ku tim ji wan re lazim e ango dibe…

Lê çi dikin? dema ew rêxistina bi destê wan tê damezrandin di derece ewilde weke didin zanîn ku ew partî ji bona azadiya gelê xwe hatiye avakirin. Ji ber ku di destpêkê de, di bername û destûrên wan de tim jî weke ew partiya gelê xwe ye, tê detnîşankirin.

Bi vê destnîşankirinê jî xelkê li dor xwe top dike, li gor daxwazên wan tiştan dikin heta ku cihê xwe saxlem dike û civatekê bi xwe mezin dike. Çi dema karê wê hêdî hêdî diqede dagirkerên ku ew damezrandine, bi şiklekî ku weke ew li dij wê ye şer bi wan re dike da ku qels bike ya jî tune bike.

Bi vî şerî jî wan kesên demokrat û bi rastî jî ji bona gelê xwe kar dikin, yek bi yek ji holê radike bê ku xelk vê fêm bike. Gund û bajarên wan xerab dike, bê ku gel têbigihêje û bizanibe ev ji bona çi ye…

Ma tenê ev? NA

Çi dema dagirker dixwazin wê rêxistina wan avakiriye, di çavên xelkê de qels bike ango weke dixwazin ji holê rake ku weha dide xuyarin. Tiştên ku xelk zerarê jê dibîne, bi wan dide kirin da ku xelk hinekî li hember wê partiya ku qaşo ji bona wan kar dikir, bizanibe ku ne weha ye û xwe jê dûr bixe.

Lê ji aliyekî din de kar û xebatê dikin da ku rêxistineke nû bi destê wê rêxistina ku wan damezrandiye peyde bike û hêdî hêdî ya nû bixe şûna ya kevn de. Ya jî weke depoyekê tim ji wir alîkarî û piştgiriyê bigire. Her weha hin karê nû bi wan bide kirin. Mebest ji vê tevlihevî û nexweşiya sergêjiyî peyde kirin e.

Helbet van tiştên ku niha ez dinivîsînim dibe ku ji gelek camêr û canikan re weke xeyal be. Lê rastî ye. Ev li gelek welatan pêk hatiye û tê jî. Ji ber ku dijmin tim dûr û dirêj difikire û li gor vê jî hesabê xwe dike. Di nava wî hesabî de jî tim dikare ji bona xwe partî û rêxistinan ji gelê kolonî bi saya peran û bertîlan peyde bike.

Dagirkerên welatê me jî heta niha ev kirine û bi vê yekê tim jî temenê xwe dirêj kiri ne.

Carekê bala xwe bidin bakurê kurdistanê bê çawa kevir li ser kevir nehiştin, bê çiqas mirovên demokrat, welatparêz, delal û hêja kuştin. Hemû ji bona çi? Ne tu tiştek? Yanî ji bona kurdan ne tiştek. Lê ji bona xatirê tirkan, daxwaza parastina ”Mîsakî Millî” ”Komera Demokratîk” û ”Karton bi hezaran mirov dane kuştin…

Weke tê zanîn ku tenê li bakurê kurdistanê nêzîkî 5000 hezar gund xerab kirin, wêran kirin xelkê wir bi darê zorê û tehdîta kuştinê, dane barkirin erdekî vala çolekê bê berhem hiştin. Helbet ev bi kêfa dijmin bû. Dor anîn bajaran êdî wir wêran û xerab dikin.

Yên malzeme ji vê malwêraniyê re hazir kir û bû sedema vê talaniyê jî PKK bû. Çîroka avakirina wê, xebat û kiryarên wê, xerabî û wêraniya kiriye hûn hemû ji min baştir dizanin loma ez ê behsa vê nekim û vegerim mijara xwe…

Mijar ev e ku bi van kiryarên xwe yên talî hate zanîn û dîtin ku êdî pkk hema hema roja xwe û karê xwe qedandiye. Lê bi vê dijmin nayê ser, divê tiştekî din bi biryara herduyan dewlet û pkk bê kirin.

Ew çiye? Vê jî bêjim.

Weke min got; êdî pkk roj, kar û xizmeta xwe hema hema temam kir, bi vê temam kirinê jî hate zanîn ku bê pkk ji bona kê kar dikir û dike. Loma ji bona baş û vekirî ev nayê fêm kirin. Xalanê wan êrîşan dibe ser wan da ku xelk ji nûde xwedî li wan derkeve. Ma tenê ev? Helbet na.

Ji aliyekî din de jî wê dagirkerê me ango desthilatdarê tirkan dê bixwaze ku partiyeke nû, hêdî hêdî li gor xwe perwerde bike. Piştî vê jî wê pkk bi awayekî dizî alîkariya wê partiya nû bike da ku xurt bibe û di demek dirêj de êdî ew wan erk û berpirsiyarên pkk dabû ser milê xwe, temam bike. Weke niha karê pyd dike.

Ez bi xwe niha vê rewşê li bakurê kurdistanê dibînim û dibêjim wê di demeke ne zêde dûr ew partî jî derkeve. Eynen bi taktîka pkk wê xwe di destpêkê de bixwaze bide qebûlkirin. Lê wê bi ser nekeve ji ber ku êdî xelkê me dikarin di orta reş û sipî de gelek rengên din jî bibînin. Lê dîsa jî ne diyar e. Li rojavayê kurdistanê pyd çawa bû partiya desthilat û xurt jî tê zanîn…

Loma dibêjim hê ne dûr e, bila partî, rêxistin û xelkê me hay ji vê rewşa nû hebe. Rêxistineke eşkere lê ne kêmî pkk di rêde ye. Heger ji niha de tedbîr neyê girtin, sibê wê dereng be.

Ji ber vê yekê ye ku ez dibêjim pkk wê tu caran neqede. Wê nav biguhere, partiyên nû bi rengekî din lê weke xwe an li gor xwe peyde bike. Tenê du çareya vê heye ew jî çi dema kurd li bakurê kurdistanê eniyek kurd û kurdistanî damezrînin ya jî bibin xwedî dewlet wê dawî li lîstikên pkk û hevalbendên wê bê. Dewletbûn niha ji bona bakurê kurdistanê xeyal e. Lê eniyeke kurd û kurdistanî û li ser xeta neteweyî jî rastiyek e. Êdî hûn diznin.

Têbinî: Min ev nivîs weke hin akedemisyenên me yên ku dibistan nexwendinin, gihiştine vê derecê, nivîsî ye. Loma zehmet e ku mirov navaroka vê zû bi zû fêm bike. Lê yên zango qedandinên û nebûne akedemisyen vê rehet fêm dikin ku min xwestiye çi bêjim…

Hêvîdarim di vê nerîna xwe de şaş derkevim û bi destê pkk partiyeke nû li bakurê Kurdistanê peyde nebe û karê mayî ew temam neke…